相信唔少人都會知道中環蘇豪區有間玩味濃，融合中西文化， 用諧音相關字作店名嘅酒吧—「何蘭正」「何（ho）蘭（L）正（Jeng）」， 有唔少人都會因為店名黎打卡。 小編第一次去「何蘭正」，都係為左打卡， 不過其實佢嘅手工啤酒選擇確實好多， 中西合璧嘅食物款式亦都好創新， 的而且確係睇得、食得、又飲得嘅飲酒好地方！ 甫進入酒吧， 通過黃色通花鐵閘， 就好似跌進六、七十年代嘅時空， 店內嘅裝修充滿港式懷舊元素， 雀籠、電線外露嘅燈泡、痰罐盆栽、綠白瓷磚…… 其中一面牆壁上掛着土味甚濃霓虹燈寫嘅「鬼佬涼茶」四個字， 早期嘅香港冇啤酒， 老一輩人稱外國人鬼佬， 而佢地飲嘅消暑飲品「啤酒」，就被稱作鬼佬涼茶。 「何蘭正」主打本土手工啤酒，咩口味都有， 都有來自世界各地嘅手工啤酒亦有！ 點擊圖片放大 +2 其中身為香港人最有同感嘅， 莫過於「獅子山下」， 喜歡果香，易入口嘅，一定要試下！ 伙記仲介紹左「青瓜」比我地， 話係一間新酒廠釀製，真係有如青瓜嘅清爽！值得一試！ 何蘭正嘅酒單仲會持續更新～ 白胡椒番茄酸菜煮紐西蘭鑽石蜆（$138） 選用紐西蘭嘅鑽石蜆，個頭好大隻，蜆肉又夠厚，鮮甜味美， 加入左中菜元素—酸菜、木耳嘅番茄醬汁味道酸酸甜甜，無諗過會咁夾，好味！ 24小時慢煮伊比利亞叉燒、酒香獅頭鵝肝配溫泉蛋、香噴噴豬油撈飯（$188） 慢煮叉燒嫩滑可口，肉香味美， 搭上油脂豐腴嘅鵝肝， 溫泉蛋配豬油撈飯一齊食，好邪惡啊！ 奶醬西式油炸鬼、花生朱古力醬、焦糖煉奶（$98） 西式油炸鬼炸得香脆可口， 就咁沾滿砂糖已經夠簡單美味！ 配以自家調製花生朱古力醬、焦糖煉奶，幾創新嘅配搭，不錯！ 正值肺炎高峰期， 餐廳都有做好防疫措施， 提供75%酒精消毒濕紙巾比食客， 食得更放心！ 地址： 何蘭正 (中環) 中環蘇豪卑利街65-65A號地舖 營業時間： 星期一至四：16:00-00:00 星期五、六：16:00-2:00 星期日：14:00-00:00
