之前去過「令和居酒屋」三次， 點擊圖片放大 每次都係食二人前超抵食套餐， 不過今次我地倆口子就想試吓單點， 因為單點會有好多套餐唔包嘅菜式～ 就好似是日精選限定推介，套餐一定唔包嘅， 仲要數量有限，想食就要快啲order啦！ 點擊圖片放大 +4 而家加$48，就可以任飲清酒、梅酒、啤酒， 咁抵，酒鬼點可以錯過！ 未上菜之前，先上個開胃菜—芝麻鹽醬椰菜， 椰菜爽脆新鮮，混合了酸酸甜甜嘅醬汁，幾開胃！ 小編係酒鬼，又鐘意食生蠔， 見到清酒廣島生蠔（$28）呢個配搭幾有趣， 就試下啦！ 上枱嘅時候生蠔同清酒係分開嘅， 等食客自己將新鮮嘅生蠔放入清酒杯到， 然後浸一陣，再一整杯啪左去，好似飲shot咁，好正呀！ 生蠔都幾新鮮，配上清酒，生蠔嘅鮮甜更突出～推薦 點擊圖片放大 石燒美國安格斯肉眼片250g（$168） 肉眼扒切成10片，而且成塊都好厚肉！ 足足有1cm厚！ 店家好貼心地教我地幫我地燒～ 肉眼扒油脂分佈都算平均，唔會太肥， 口感有嚼勁，肉香味美，不錯吃！ 點擊圖片放大 +4 鹽燒油甘魚鮫（$128） 油甘魚鮫好大件， 外皮焦香，裏面嘅肉質肥美嫩滑，魚油脂香， 佐酒一流！ 講起佐酒，點少得串燒～ 和風燒豬仔骨（$98） 外皮燒得幾香，不過肉質有點dry。 芝士豚肉串（$28） 豚肉包着原塊芝士，「芝」味十足， 芝士控唔可以錯過！ 地址： 令和居酒屋 (旺角) 旺角洗衣街111-127號建煌華廈2期地舖 營業時間： 星期一至日：17:30-2:00
