尖沙咀嘅「泰濃麵」係以前小編係尖沙咀返工嘅lunch好選擇， 食過好幾次堂食同外賣， 都keep得住水準！ 見到佢係銅鑼灣開咗分店， 梗係要捧下場啦！ 餐廳裝潢比尖沙咀用心，走懷舊路線， 環境感覺更乾淨企理～ 小編每次黎，都係食頂級安格斯牛肉船麵（$88） 湯底跟足傳統，加左少許豬血，味道濃稠正宗！ 金邊粉香滑，吸湯一流！ 牛肉有美國肥牛、安格斯牛肉、飛驒和牛三種選擇， 和牛小編就冇在「泰濃麵」食過， 不過確實食得出安格斯牛肉比美國肥牛更好， 肉質更香，更有嚼勁，值得一試！ 船麵配料仲有炸得香脆可口嘅豬油渣、白魚蛋、蘆荀、蘿蔔等，好豐富！ 點擊圖片放大 +3 黑豚肉冬陰功湯麵（$68） 冬陰功湯底酸酸辣辣，幾開胃， 薯粉係比較幼個種，都幾煙韌， 仲有好多海鮮配料如青口、蝦、蟹柳、菇菌等，配料好足！ 黑豚肉一啲都唔嚡，不錯吃！ 點擊圖片放大 +2 如果唔夠味， 旁邊仲有個泰式醬料架可以調下味～ 想辣啲得，得左！ 倆口子仲可以叫多個泰式小食拼盤（$68） 有泰式炸蝦餅、炸雞翼、炸芝士雲吞，每款兩件， 全部即叫即炸，保證夠新鮮熱辣！ 其中泰式炸蝦餅小編覺得最推薦 炸得外皮香脆，裏面嘅口感又夠爽彈， 蘸上泰式辣醬，惹味！ 好少可在泰國菜館食炸雲吞，仲要係芝士餡，幾新穎！ 個皮係幾香脆， 不過略嫌芝士味唔係好夠突出， 可能係因為只用左mozzarella cheese嘅關係， 口感確實唔錯， 但就欠缺「芝」味， 可能加多種芝士mixed埋一齊，可以互補不足！ 點擊圖片放大 +2 地址： 泰濃麵 (銅鑼灣) 銅鑼灣蘭芳道13號地舖 營業時間： 星期一至日：11:00-22:30
