來自巴黎嘅過江龍「松藝館」， 以松露為主打， 所有嘅菜式包括cocktail、甜品都以黑松露、白松露和季節性松露等入饌， 小編我最鍾意食松露， 所以今次就帶埋小妹一齊嚟嘆。 點擊圖片放大 全餐廳都係落地大玻璃， 可以一邊食一邊望到維多利亞港嘅景色， 咁啱我地食飯嘅時間係幻彩詠香江嘅環節， 感覺寧舍浪漫寫意～ 呢到除咗a la carte點餐之外，仲有套餐， 最平$688一位，自選4個courses， $888就可以有齊6 courses， 仲附送甜品，都幾抵！ 點擊圖片放大 +4 點完菜之後， 店員便奉上自家製嘅麵包， 分別係法國麵包、提子腰果麵包、牛角包， 法國麵包外脆內軟，牛角包酥脆， 塗上忌廉或松露牛油，都好夾。 龍蝦濃湯 Lobster Bisque 濃稠嘅龍蝦湯，香濃鮮味， 加上一片片松露嘅點綴，感覺矜貴。 Scallop Confit 北海道帶子鮮甜味美， 加上鮮蘆筍和意大利青瓜清新嘅點綴， 不錯嘅配搭！ 雖然呢道菜嘅松露味唔係好突出， 勝在帶子新鮮。 澳洲M6和牛西冷牛排 Chargrilled Australian M6 Sirloin Steak 我地要左medium rare， 火候控制得唔錯， 西冷牛扒外表烤得呈褐色， 並展現出美麗嘅十字網紋， 切開裏面，中間呈鮮紅色， 肉質軟嫩多汁，香醇濃郁，肉香十足！ 因為套餐唔係每樣野都啱食， 所以我地只係點左一份， 再額外點一份小妹想食嘅Morel Mushroom Risotto（$228） 意大利飯軟硬適中，入口creamy， 加上羊肚菌和三文魚籽，口感十足， 店員仲會現磨松露片，感覺矜貴， 增添了不少香氣。 甜品係松露芝士球 Truffle Cheese Balls 造型同野生松露一樣， 外皮沾滿餅乾碎，咬開嘅時候，裏面係軟滑嘅芝士，幾有口感， 白色嘅蘑菇其實係雞蛋餅， 不過唔知係咪塗上松露油嘅關係， 所以松露味比芝士球更突出。 地址： 松藝館 (尖沙咀) 尖沙咀廣東道3-27號海港城海運大廈3樓OTE303號舖 營業時間： 星期一至五：11:30-15:00，18:00-23:00 星期六、日：11:30-23:00
