小編第二次黎「滾得囍」打邊爐， 一直念念不忘那自家製沙葛餃， 小妹就第一次黎， 佢見到門口張「龍椅」仲話要坐下， 仲有「聖旨」到， 不愧為「宮廷」！ 點擊圖片放大 +3 湯底有13款之多， 款款湯底都由一個皇帝或歷史人物命名～ 點擊圖片放大 順治特色卜卜蜆鍋（$188） 好多蜆呀！ 全部蜆都好大隻， 多到一個碗都裝唔晒， 粗略估計應該有50-60隻，好誇張！ 最重要係冇沙！ 成個湯底都好清甜！ 配上白蘿蔔，吸晒湯汁，味道一流！ 點擊圖片放大 滾得囍餃子拼盤（十隻）（$108） 有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃， 小編最鐘意多菜少肉嘅菜苗餃和韮菜餃， 雖然帶子個頭比細，但勝在夠鮮香清新！ 黑松露餃散發着濃郁嘅黑松露香，配上菇菌簡直係perfect match！ 口感最特別係黃金沙葛餃， 沙葛爽脆，帶少許鹹蛋香，小妹最愛！ 和牛芝士一口餃一咬開就爆晒汁，肉香味美。 點擊圖片放大 手切頂級安格斯牛肉（$348） 份量都算合理， 牛肉油花分佈均勻， 涮熟左之後肉質軟嫩又不失嚼勁，肉香十足！ 油麥菜（$38） 都幾大份，新鮮爽脆！ 整體來說，卜卜蜆真係最值得推薦， 份量真係好多 我地倆口子食完個鍋之後基本上都飽左一半～ 一定要再黎第三次！ 地址： 滾得囍宮廷火鍋小炒 (北角) 北角馬寶道33號馬寶學林1樓116-125號舖 營業時間： 星期一至日：16:00-1:00
