「FireBird」係小編之前係銅鑼灣返工嘅食堂， 因為佢嘅lunch set價錢合理， 食物質素又相當不錯！ 小妹最愛吃日本菜， 咁啱去開銅鑼灣shopping， 就黎懷緬一下啦！ 晚市感覺像居酒屋， 有刺身、壽司、串燒、揚物、鍋物等供應。 佢仲有晚市一人或二人套餐，$198起， 包前菜一客、刺身或生蠔、和一杯酒精或非酒精飲品， 如果鐘意食吞拿魚嘅foodie千祈唔可以錯過期間限定嘅橫切藍鰭金槍魚三色刺身， 一次過可以試晒赤身、中拖羅、大拖羅， 斷磅計，$1.5/g，名碼實價，都幾抵呀！ 不過我地倆口子食唔到咁多， 下次大夥兒嘅時候一定要點！ 點擊圖片放大 +7 餐具擺設好可愛呀！ 日本雞肉、野菜天婦羅盛合（$128） 之前食過「FireBird」嘅炸雞丼飯，相當有質素！ 不過而家menu冇左啦， 唯有退而求其次試下雞天婦羅啦！ 一客有五件， 日本雞肉嘅肉質鮮嫩，肉香味美， 炸皮厚薄適中，香脆可口， 連香菜都炸得脆卜卜，夠晒香口！ 明太子芝士椰菜燒餅（$68） 一開始講燒餅嘅時候， 無諗過佢原來即係Okonomiyaki大阪燒！ 真係睇英文先知，睇嚟個中文菜名改改去會好d。 賣相好吸引呀！ 裏面有激量芝士和椰菜， 面頭一邊塗上香甜嘅大阪燒醬，另一邊塗上微辣惹味嘅明太子醬，好正呀！ 重量級火焰原隻雞腿（$138） 上枱時店員會在食客面前點火， 火焰即捲整隻雞腿，又係相機食先嘅好時機！ 雞腿真係重量級，大到好似火雞腿咁！ 皮脆肉厚，肉質軟嫩多汁， 加上卜卜脆、微辣惹味嘅炸蒜， 好味道！必試！ 配上椰菜一起吃，感覺更健康呢！ 點擊圖片放大 日本產霜降A4和牛壽喜燒（$278） 一睇已經見到A4和牛油花好靚，尤如大理石般，肉香軟嫩， 壽喜燒雖然要額外追加先有雞蛋， 不過就咁食個鍋都已經幾好食，味道、配料十足！ Strawberry Yakult Cocktail（$78） 好有少女風味，又好吸睛嘅粉紅色cocktail， 雖然酒精唔重，但勝在易入口，不錯！ 地址： FireBird (銅鑼灣) 銅鑼灣邊寧頓街13號隆堡柏寧頓酒店地下 營業時間： 星期一至日：11:00-23:30
