原來Mini Friday隔離開左間「日本野」, 開得咁近,唔知係咪同一個集團架呢~ 呢到有晚餐套餐提供, 由$98起,包湯/沙律和咖啡/茶/汽水一杯。 點擊圖片放大 +2 自選丼飯($128) 超過17款嘅刺身選擇, 三文魚(2片)、北寄貝(2片)、油甘魚(2片)、甜蝦(2隻)、帆立貝(2片)(+$14), 仲會有玉子附送, 刺身都幾新鮮, 尤其係油甘魚同帆立貝, 唯北寄貝個頭比較細, 整體來說不錯吃,可以一試! 點擊圖片放大 石燒吉列霜降牛小排($178) 之前有係「吉列牛忌廉烏冬專門店」、「Steak Bar」食過石燒吉列牛, 冇諗過呢到嘅吉列牛做得咁好, 霜降牛小排有着雲石般細緻嘅油花紋理, 筋肉間帶網狀細小脂肪, 入口肉香軟嫩, 可能係小編食過最出色嘅吉列牛小排。 點擊圖片放大 溏心蛋蛋黃呈半熟流心狀,蛋香濃郁,送飯一流! 跟套餐仲可以追加小食, 厚燒鰻魚玉子(3件)($38) 厚厚嘅玉子,肉眼見足足有三至四層, 包住香甜嘅鰻魚, 仲有蟹籽嘅點綴, 蘸上黑松露蛋黃醬,好味呀!☺️ 牛油果控不會錯過嘅牛油果軟殼蟹卷($88) 一客有8件,份量都算符合性價比, 軟殼蟹炸得香脆肉厚, 加上軟熟嘅牛油果和香氣十足嘅木魚碎,不錯吃! 大家不妨以openrice訂座, 因為有正價88折優惠。 地址: 日本野 (旺角) 旺角西洋菜南街2A號銀城廣場9樓 營業時間: 星期一至日:12:00-16:00,18:00-23:30