「莆田」又多左個鰻魚季節限定~ 今次就同鐘意食鰻魚嘅媽咪一齊嚟試下啦! 點擊圖片放大 +6 上次食過冰浸苦瓜($49), 連平時唔食苦瓜嘅小編都覺得不錯吃, 所以今次就帶媽咪黎食! 苦瓜厚薄一致,蘸蜜糖食, 冰涼爽脆,甘苦相間,解暑佳餚。 莆田扁肉湯($22/位) 係500 多年歷史傳統福建手工菜品, 以透薄嘅燕皮包着扁肉, 外皮煙韌,內裏鮮味十足! 和加左白醋嘅清雞湯一起呈上, 肉鮮中帶酸香,值得一試! 閩香洋燒排 一字排炆煮得軟腍入味, 肉質鬆軟,味道香甜可口。 鐵板香煎活鰻魚($148) 平時食到嘅鰻魚多數都係冰鮮貨色, 活鰻魚在香港甚為少見! 原鐵板上陣, 鰻魚煎至金黃色, 魚肉油香十足,肉質爽彈緊緻, 簡單以鹽調味已經夠晒醇鮮甘香,必試! 每次黎,都必食興化炒米粉($86) 米粉味濃鮮美,配料豐富, 有多款海鮮如干貝、蜆肉、蝦等, 仲有冬菇片、紫菜、花生、炸蒜得調味配料, 把所有配料拌起來一起吃, 味道和口感都相當有層次, 不過今次炒得有d唔夠乾,有進步嘅空間! 地址: 莆田 (尖沙咀) 尖沙咀彌敦道118-130號美麗華廣場2期2樓269-270號舖 營業時間: 星期一至日:11:30-16:15,17:30-22:30