小妹最鐘意食日本菜, 最近發現有一家新餐廳「岸久市場」係尖沙咀開業, 主打浜燒海鮮,仲可以比食客自己DIY, 啱晒貪玩貪吃嘅小妹啦! 除左浜燒海鮮外, 仲有其他日本料理,如炊飯、鋤燒、燒物等。 蟹籽山青蘋果沙律($68) 青蘋果沙律好少見, 仲要一有座蟹籽山, 卜卜脆嘅蟹籽混合酸酸甜甜嘅青蘋果 絲, 配上沙律菜和芒果粒,清新又開胃~ 甜甘蝦一合($78) 嘩,無諗過一合有咁多隻甜蝦, 足足有8-10隻,仲要每隻都連蝦籽,好新鮮,好抵食呀! 甜蝦香甜,肉質有獨有嘅鮮嫩幼滑感~ 刺身盛合4點($178) 有三文魚、油甘魚、帶子和牡丹蝦, 二人食啱啱好~ 刺身都算新鮮, 油甘魚肥美爽滑,魚油脂香, 帶子鮮甜嫩滑, 牡丹蝦好大隻,肉質鮮美爽彈,口感十足! 點擊圖片放大 漁師特上丼飯 ($218) 丼飯堆左一座由各式各樣嘅刺身製作而成嘅「山」, 份量澎湃都差不多要滿瀉~啱晒相機食先! 魚蓉以是日新鮮刺身製成, 有吞拿魚、北寄貝、帆立貝、三文魚子、馬刀貝和紋甲魷魚等製成,入口幼滑鮮美。 仲附有原板金黃嘅韓國海膽, 除了一般嘅丼飯食法外, 更可以將紫菜自製成手卷, 最後添加茶漬湯製作茶漬飯呢~ 好玩又好食! 點擊圖片放大 +3 火焰漁師野菜鍋 ($138) 有自家製魚滑、青蔥腐皮卷、金菇、冬菇、雞髀菇、本菇、京蔥等十多種配料,好豐富! 湯底一開始加左少許酒, 店員會先舉行點火儀式, 加入大蜆和魚頭,即場煮成湯, 無加入額外嘅調味,原汁原味~ 大蜆肉質飽滿,魚頭好多肉,鮮甜嫩滑~ 食完大蜆和魚頭, 就可以加入各款配料打邊爐, 蔬菜吸晒湯底嘅精華,正! 值得一讚係自家製魚滑, 加左芝麻係裏面,更添口感! 點擊圖片放大 +4 吉列蟹肉忌廉餅(2件)($38) 炸得香脆可口, 蟹肉唔係好多,不過都好creamy, 好快凍,要襯熱食先好食。 窩夫($88) 係西日fusion嘅甜品, 配上香濃軟滑嘅黑朱古力雪糕和是令新鮮水果, 話明日系,仲有日式甜品代表作—蕨餅! 地址: 岸久巿場 (尖沙咀) 尖沙咀厚福街8號H8 11樓