去諾士佛臺唔一定係飲酒， 其實仲有好多好西可以食！ 之前去過荔枝角D2 Place「The Salted Pig」， 覺得食物幾有質素，份量又夠大份， 價錢合理，坐得又舒適， 同同事係尖沙咀做完一個job， 就去左尖沙咀分店食過返尋味～ Slow-cook BBQ baby rack ribs 慢煮醬燒豬肋骨（$258） 豬肋骨份量十足， 切開好厚肉，有6支骨之多， 肉質爽嫩多汁， 每啖都沾上惹味嘅秘製BBQ醬， 超正，又夠入味， 初入口酸酸甜甜， 再細味，鹹中帶回甘，正～必試！ 墊底仲有粗薯條、粟米、沙律， 粗薯條薯肉夠厚，嚼勁十足！ 粟米清甜多汁，不錯吃！ Shrimp Asparagus Risotto 鮮蝦蘆筍意大利飯（$178） 意大利飯軟硬適中， 龍蝦蕃茄汁包着每一粒飯，鮮香味美， 如果可以走青豆就更好～ 煎香嘅鮮蕃茄好香甜， 鮮蝦份量也毫不吝嗇，一客有十多隻，夠爽彈。 Blueberry Cheese Cake 藍莓芝士忌廉奶昔（$85） 真係好似飲緊流質嘅藍莓芝士餅咁， 清香嘅藍莓，加上柔和嘅芝士香， 唔會太heavy，值得一試！ The Salted Pig’s “Tea”（$98） Mix左gin、rum、vodka， 我揀左Original嘅長島冰茶底， 雖然比正宗嘅長島冰茶差兩款酒， 但比較容易入口，酒味都算濃郁。 點擊圖片放大 +7 地址： The Salted Pig (尖沙咀) 尖沙咀諾士佛臺1號地舖 營業時間： 星期一至四：15:00-1:00 星期五：15:00-3:00 星期六：11:00-3:00 星期日：11:00-1:00
