觀塘嘅「The Stadium」係小編之前嘅飯堂， 亦都係觀塘區數一數二有質素嘅西餐廳， 咁啱同小妹係time square睇完戲， 就發現原來銅鑼灣有分店，就帶小妹黎試下～ 同觀塘分店一樣，貫徹運動為主題， 餐廳嘅裝潢都經過精心設計，集合不同嘅運動元素， 枱墊係足球場嘅圖案，仲有其他球類裝飾， 啱晒球迷黎朝聖！ 除左播放英超、歐聯球賽外， 食客仲可以掟鏢、篤波， 有波睇、有嘢玩、有酒飲， 絕對係同朋友吃喝玩樂嘅好地方！ 仲可以包場開party添！ 黑松露薯條（$68） 熱辣辣嘅粗薯條， 灑上海量芝士粉， 就咁食得，再蘸上松露醬食都得！ 每次必點佳餚！ 意式香菇手搓粉（$138） 自家製手搓粉口感獨特，嚼勁十足， 均勻地沾上松露醬， 加上炒香菇嘅鮮菇香，正！ 美國極黑毛豬（$168） 黑毛豬份量十足，足足有2-3cm厚， Order左7成熟，但好似有d過熟，有進步空間， 不過勝在肉質唔會太嚡， 仲有濃郁嘅肉香， 旁邊仲有不少健康烤薯菜， 可以中和一下肉嘅膩感。 Happy Hour仲要係12:00-20:00， 咁正梗係要湊下熱鬧啦！ Cocktail、wine、draught beer都係$48起，幾抵喎！ 我地點左Hoegaarden（$58）， 大大杯，夠晒凍，gur晒！ Caipirinha（$68） Lime為主題嘅cocktail好refreshing！ 酒香幾突出，值得一試！ 點擊圖片放大 +2 地址： The Stadium (銅鑼灣) 銅鑼灣波斯富街48號軒尼詩大廈2樓 營業時間： 星期一至四、日：12:00-00:00 星期五、六：12:00-2:00
