今次係小編第二次黎「食雞」， 雖然「食雞」熱潮減退， 但係大角咀呢間任飲任食雞煲專門店嘅熱潮依舊， 原因係因為平！靚！正！ 食完雞煲後可以繼續打邊爐， 任食火鍋配料， 仲要係無限時任食， 直係食到閂門都得！ 現代人最需要嘅免費wifi，呢到都有提供 真係可以一邊「食雞」煲，一邊「食雞」！ 餐廳乾淨企理，座位闊落，坐得舒適。 雞煲火鍋放題每位成人$258， 小童及長者$138， 星期六、日每位成人$298， 9:30後有優惠時段，每位成人$258， 都幾抵喎！ 先送上免費餐前小吃。 雞煲都幾多樣化，有5款選擇： 招牌川味雞煲、養生正氣雞煲、秘製椰香雞煲、南薑雞煲、兒童適宜芝士雞煲， 老少咸宜。 我地上次食左招牌川味雞煲， 今次就試下秘製椰香雞煲～ 以香茅、香葉、栗子、芋粒精心調製而成， 椰汁雖然唔係好濃稠， 但椰汁味都算突出， 雞件份量都算多，厚肉嫩滑。 安格斯雪花肥牛 以火鍋放題來說，肥牛質素算好高！ 油脂分佈平均，肉香十足！ 西班牙黑毛豬梅肉 口感嫩滑，肉香味美，值得encore！ 淨食肥牛同豬肉都可以食返夠本！ 極級丸類六天王 有魚蛋、牛丸、豬肉丸、墨魚丸、貢丸、黑椒牛筋丸等， 當中嘅魚蛋、墨汁墨魚丸係最正！ 如果有埋芝士丸、蟹籽丸就更好！ 韓國珍寶蟹柳 最大嘅賣點就係長， 不過口感都係無日本蟹柳嘅好。 激爽魚片頭夠爽彈，散發淡淡嘅魚香，值得一試！ 炸魚皮香脆可口 自助區嘅蔬菜幾新鮮， 而家仲有埋自助甜品區添，有涼粉、啫哩等。 飲品區汽水、果汁任飲， 加$20就可以升級任飲8款啤酒， Asahi、青島、藍妹等。 地址： 食雞 (大角咀) 大角咀洋松街38號地下1-2號舖 營業時間： 星期一至日：18:00-2:00
