豬骨湯拉麵食得多， 雞湯拉麵又食過未？ 小編最鐘意食雞， 所以鐘情於雞白湯拉麵～ 網上見到香港八大鰻魚飯首選嘅「金鶴拉麵」， 除左有即劏即燒蒲燒活鰻飯， 仲有招牌雞白湯拉麵～ 點擊圖片放大 +3 梗係要黎試下啦！ 金鶴雞白湯拉麵($98) 上菜嘅時候見到湯底呈奶白色，仲起晒泡， 原來係特色黎架，有乾坤！ 湯底係以日本赤雞、素菜、鰹魚等熬製， 最點係由東京空運過黎，上枱時用攪拌器打至柔滑起泡而成～ 所以湯底濃郁香滑， 入口鮮甜帶，有d似忌廉湯嘅質感， 麵條爽滑，好掛湯，正！ 炸牛蒡可蘸一蘸湯汁食， 就咁食都得，夠晒香脆可口，佐酒一流！ 配上慢煮日本薩摩赤雞胸和火炙黑豚肉叉燒， 赤雞肉柔軟嫩滑，肉香十足，正！ 叉燒薄薄的一片，但唔會太肥，肉質鬆化，入口即溶， 溏心蛋雖然唔係好流心，但勝在蛋香。 點擊圖片放大 +2 日本有「小江戶」之稱嘅COEDO啤酒， 曾獲世界大賽金銀獎， 原來呢到都有得飲，梗係唔可以錯過啦！ COEDO Kyara（伽羅） 酒色豐厚金黃，味道清新，帶白葡萄和柑橘香。 整體來說，拉麵相當有質素， 下次一定要係冇咁飽嘅時候黎試鰻魚飯～ 地址： 金鶴拉麵 (北角) 北角和富道6號嘉洋大廈地下A舖 營業時間： 星期一至五：11:30-15:00，18:00-23:00 星期六、日及公眾假期：11:30–16:00，18:00-22:00
