同屋企人食晚餐， 「夏麵館」係我地嘅不二之選， 價錢經濟實惠，食物又有水準， 仲有二人或四人套餐～幾抵食！ 不過二人餐對於我地兩小口黎講真係太多啦， 所以我地選擇左散叫～ 見到佢有新冷盤菜式—醉香豬手（$60）， 梗係要試下啦！ 外皮爽口彈牙，肉質軟腍入味， 酒香馥郁芬芳，正！ 夏味燻蛋（$13） 「夏麵館」必食！ 用茶葉、冰糖和白米煙燻， 燻蛋半熟，質地細滑，帶微微嘅煙燻香～ 蟹粉小籠包（$38/2隻） 蟹肉和豬肉嘅比例剛好， 小籠包皮薄多汁，味道鹹鮮，不錯吃！ 砂鍋餛飩雞（$138） 以原隻雞、金華火腿熬煮而成， 熬出來嘅湯呈奶白色，鮮香味美， 加上小棠菜、上海餛飩等經典配料，份量十足！ 相機食先過後仲會幫忙拆埋雞肉，店家好服務！ 菜肉餛飩大大隻，皮薄餡靚。 點擊圖片放大 高力豆沙（$36） 外皮微脆，脹卜卜， 裏面軟綿綿， 包着香甜豆沙餡， 作為整頓晚餐完美嘅總結。 點擊圖片放大 +4 地址： 夏麵館 (太子) 太子彌敦道750號始創中心1樓115C號舖
