旺角最近有新宵夜好去處啦！ 係始創中心附近新開左一間手工串燒店—「串串燒By Season」， 串燒店係新張期間仲有好多優惠， 店內越20款串燒都只係$9串起， 仲有$68/10串嘅優惠，超值呀！ 另外， 仲有店招牌嘅生蠔食， $50就食到一打，抵到爛！ 點擊圖片放大 +5 不過先決條件係要帶一支酒， 紅酒、白酒、氣泡酒都可以， 不過食生蠔梗係要叫白酒啦！ 所以我地叫左支Tini Bianco（$148）， 清爽微甜，容易入口，不錯！ 生蠔可以揀精選生蠔（一打）或中碼生蠔（半打）， 中碼生蠔顧名思義就梗係大隻啲啦！ 我地重質不重量， 所以就揀左中碼啦！ 真係大精選生蠔一個double 架！ 入口鮮甜，海水味適中， 尾段有少許嘅礦物味，幾好味！ 抵食！性價比高！ 限時優惠梗係要試下$68/10串串燒啦！ 可以揀紐西蘭草飼牛柳、美國穀飼豬脊、美國穀飼豬頸肉、黃金豆卜、美國進口雞脾肉、雞軟骨、美國火雞腎、加拿大多春魚、燒生蝦 、燒海螺片等， 仲要優惠不限時段！☺️ 見餐單推薦紐西蘭草飼牛柳， 梗係要試吓啦！ 不過比較失望嘅係， 肉香不足，肉質過腍， 反而豬脊更好！ 美國穀飼豬脊 肉質有嚼勁， 只係全部肉類都有孜然粉， 大概全部都係同一個味道。 燒生蝦 微辣惹味， 不過好似都係配返泰式酸辣汁好食啲哈哈。 雞軟骨和美國火雞腎幾有咬口，不錯吃！ 我仲額外加左特級美國牛舌（$28/份） 幾有厚度，肉香爽脆。 芝士大元貝（$28/份） 見到佢$28咁平梗係想試吓啦， 不過有啲失望嘅係， 應該係燒得太耐， 導致芝士冇晒拉絲嘅質感， 元貝又有d dry。 糖心菠蘿（$18/串） 係咁多串燒之中最好食！♥️ 超甜多汁，份量十足！正！ 地址： 串串燒 by Season (旺角) 旺角彌敦道733號振宜大廈地庫 營業時間： 星期一至日：17:00-2:00
