首先講吓「拉麵來」嘅歷史, 「拉麵來」原本來自東京, 2010年曾獲日本拉麵最高權威「魂之一杯」拉麵大賞中豚骨組亞軍。 而小編認識「拉麵來」, 正正就係因為「魂之一杯」, 雖然到而家,小編仲未食到(因為weekend太多人排隊,仲要有每日數量限定,所以小編排過好多次都食唔到)。 雖然知道旺角開左間分店, 不過小編始終覺得大坑總店最好食! 點擊圖片放大 店內裝潢富有日本地道拉麵店嘅特色~ 一入門口,就有長長嘅吧檯, 可以同師傅有近距離嘅接觸, 望住師傅即叫即整,零舍有日本風味! 牆上還掛滿各式各樣日本60、70年代嘅小童玩具,貼滿舊版風格嘅漫畫海報, 令食客仿如置身於日本嘅東京小街。 拉麵來選擇都算多, 有以金、木、水、火、土命名嘅拉麵, 款款都有其獨特之處, 而人間限定係小編第一次見, 所以就即管試下係咪好味到來回地獄又折返人間嘅拉麵! 點擊圖片放大 +8 牛舌牛尾湯拉麵($108) 食拉麵第一件事梗係要飲湯先! 牛尾湯好清甜, 入口感覺幾清新,又唔會太油膩, 麵條方面,係師傅每日自家新鮮製作, 幼麵麵身彈牙,軟硬適中, 牛舌雖然唔係厚切, 但口感十足,肉香有嚼勁! 配菜香筍清甜爽脆, 小編仲加左一隻日本溏心蛋(味付), 蛋黃呈半熟流心狀,蛋香濃郁,正! 點擊圖片放大 +2 濃厚魚介豚骨湯麵($98) 鹹鮮湯頭有着香濃嘅柴魚香, 湯底濃稠, 搭配掛湯彈牙嘅幼麵,啖啖滋味! 日式叉燒肥瘦適中, 配料木耳和額外加嘅香筍吸湯,好味道! 鹿兒島豬軟骨($38) 豬軟骨炆得軟腍入味, 用特調嘅味醂汁調味過,入口香甜, 旁邊還配上芥末醬,惹味得很,佐酒一流! 自家製餃子(五隻)($38) 餃子皮薄, 菜和肉嘅比例剛好, 不會太寡還太油膩,值得一試! 地址: 拉麵來 (大坑) 大坑浣紗街20-22號地下B舖 營業時間: 星期一至六:12:00-15:45,18:00-22:45 星期日:12:00-21:45