平時同同事週不時都會去「亨環」食午餐， 見到個棟大廈開左一間新日本餐廳—「鮨川」， 主售おまかせ (Omakase) 的，亦即廚師發辦， 小妹最鐘意食日本料理， 所以便帶她來試試～ 晚餐餐牌主要有三款「雲」、「丘」、「川」， 小妹話見係我請佢，所以要慳一慳我荷包， 就點算左價錢最便宜的—「雲」， 不過唔好見佢咁價錢比較平，就睇少佢， 佢已經包左前菜、壽司12貫、料理、吸物、果物，都好豐富！ 一人一個set，絕對夠食！ 前菜3點 海膽生湯葉 生湯葉亦即新鮮製成嘅腐皮，口感軟嫩，豆香十足！ 加上新鮮海膽，鮮甜味美！一番美味しい！ 黃金粟米蓉 新鮮粟米現磨成蓉， 口感幼滑，清甜又開胃！ 明太子打扮成西瓜般嘅樣子， 用上青檸皮承托着，很精緻嘅賣相～ 味道微辣惹味，不錯吃！ 師傅不論係菜式上食材上和視覺上，都花了不了心思呢～ 之後就到壽司登場了～ 看着師傅手起刀落， 輕輕一拖將魚生起片，手握飯團一搓， 手勢嫻熟，功架相當紮實！ 壽司款式是當日最新鮮嘅魚獲， 所以會隨時令、季節而有所不同。 左口魚 精瑩剔透，肉質爽彈， 沾上柚子汁，清新鮮甜，味道更鮮香醒胃～ 針魚 魚身介花像魷魚，肉質結實爽彈， 味道鮮甜，油脂豐富， 加上薑油嘅點綴，味道甘香。 深海池魚 是小編最喜愛嘅魚， 魚肉厚切，魚油脂香， 肉質軟腍又不失嚼勁！ 赤貝超新鮮，鮮甜又爽脆！☺️ 伊佐木（ゆイわ）肉色白裏透紅， 味道清爽甜美，入口微帶爽脆但滑身， 加上矜貴嘅烏魚子點綴，份外鹹香！ 牡丹蝦個頭超大， 而且極新鮮，肉質鮮甜腍滑，爽彈又juicy，真係一流！ 金目鯛 肉質豐厚嫩滑，肥美油潤， 經輕輕炙燒過， 油脂被迫出來，味道鮮美，好味道！ 帶子 好大隻呀！ 灑上竹炭和柚子皮， 入口肥美creamy，清甜味美！ 喜之次 師傅輕炙魚肉，迫出魚油，油脂豐腴，甘香味美。 活北寄貝 一睇就知係「活」，好新鮮呀！ 口感爽脆，塗上柚子汁，味道更鮮甜！ 赤鯥 師傅先用火槍炙燒一下外皮，釋出油脂， 魚油脂香，肉質鮮甜無比， 半融於口中很過癮～ 拖羅肥美得很，入口即溶， 加上洋蔥絲，中和一下膩感～值得推薦！ 左口魚邊 裙邊部油分豐富有嚼勁， 咬落爽甜，甘甜魚油緩緩滲出，層次感豐富， 濃郁甘香，入口即溶， 食後那股魚油香會停留於口內， 甘香之味令人回味無窮！ 大蜆清湯 蜆嘅份量不多，但勝在夠大隻肥美， 清湯清甜香醇， 食完蜆，飲埋個湯汁，一流！ 日本富有柿 開始入秋，又到了日本柿嘅當造期， 口感爽身，甜美豐腴， 作為甜品一流！ 金線鯛拌海膽汁 金線鯛外皮炸得香脆， 魚肉鮮甜又不失嚼勁， 加上海膽汁嘅點綴，味道更是一流！ 旁邊還附上菇菌味十足嘅舞茸菇， 層次感十足！ 師傅見我地食得咁開心， 就同我地介紹今日新鮮來貨嘅北海道馬糞海膽， 咁新鮮，梗係唔可以錯過啦！ 原隻鮮海膽即叫即開， 海水味十足， 加上白蝦和三文魚籽， 層次感豐富，正！ 今次晚餐真係好豐富呀！ 價錢都符合性價比， 所以我地問左店家拎個lunch menu睇， lunch set由$240起，都幾抵喎！ 包沙律、前菜、蒸蛋、味噌汁、甜品， 下次再黎食過返尋味！ 地址： 鮨川 (銅鑼灣) 銅鑼灣渣甸街66號亨環17樓 營業時間： 星期一至日：12:00-14:30，18:00-22:30
