最近發現有香港開左好多間賣船河嘅泰國菜， 係小編最鐘意食嘅泰國地道美食， 之前去泰國每日要食幾碗！ 係尖沙咀isquare附近見到一間主打泰國船麵嘅餐廳—「泰濃麵」， 就試下啦～ 泰式鳳爪（$48） 鳳爪份量都算合理，無骨爽口， 拌上獨特嘅醬汁，加上芹菜、洋蔥和蕃茄嘅配搭，酸辣開胃～ 炸雞翼（$38）炸得微脆， 蘸上泰式酸辣醬，微辣惹味～ 雞髀肉船湯（$68） 湯底濃稠，質地有少少似芝麻糊， 店員話廚師全是泰國人，所以跟足傳統，加左少許豬血，味道幾正宗！ 金邊粉滑溜煙韌，有點掛湯， 配料都幾豐富， 有豬油渣、雞髀肉、魚蛋、肉碎、蘿蔔等， 雞髀肉嫩滑，豬油渣炸得香脆可口， 不錯吃！ 頂級美國肥牛冬陰功湯（$68） 冬陰功湯味道比較淡，不過都幾香，值得一試！ 小編貪新鮮， 所以試左平時比較少見嘅薯粉， 喜出望外，薯粉煙韌有彈性！ 頂級美國肥牛有三、四塊，肉香又有咬口， 不過可能係冬陰功湯底嘅關係， 所以多左好多海鮮配料如青口、蝦、蟹柳等， 配料都算足！ 點擊圖片放大 泰國原個新鮮椰青（$48） 椰青大大個，椰青水鮮甜解渴！ 地址： 泰濃麵 (尖沙咀) 尖沙咀樂道7號嘉樂大廈地下A舖
