在日本語中，「一合」代表清酒的單位，即是180毫升的意思。 店舖取名為「一合」，顧名思義是一間清酒吧。 店舖不大，但勝在環境舒適， 吧檯前是開放式廚房，簡潔企理， 就好似去左日本朋友屋企做客一樣，有一種家的感覺～ 大約70個不同產地、酒莊、米和釀造手法嘅清酒， 當中有來自日本各地：宮城、山形、秋田、長野和京都等， 名氣不高但質素不錯， 最重要係affordable！ 清酒除了開一瓶， 仲有三個不同容量可以order， 分別為60毫升（一杯）、90毫升（半合）及180毫升（一合）， 方便客人試多d不同清酒嘅款式～ 而店家每一季都會精選時令清酒， 相同顔色為同一系列， 讓食客按佢地嘅口味品嚐清酒， 專試大吟釀得，想試不同米釀製又得，淨試一間酒莊都得～ 經店家介紹我地試左兩款酒， 分別是蒼天伝 美祿 夏季限定 （$88/90ml）和 与謝娘 601 特別純米原酒（$98/90ml）。 蒼天伝四季都有相應的限定品牌， 酒液清澈，酒體溫醇厚實， 入口甘甜細滑，微微嘅辛口，伴隨着苦度好快就散去，後段幾回甘， 整體來說幾易入口， 岩晒挑嘴的女士～ 与謝娘 601 特別純米原酒 採用京都府与謝町所產的有機米，盛名為越光米，再搭配601號酵母所釀製而成， 初入口時帶有梨和哈蜜瓜的芳香， 入口清甜，所帶來的水果甘甜餘韻長存， 尾韻帶著淡淡的白色花系清香， 非常適合搭配和食料理～ 叫佐酒小吃之前要先讚一讚個menu好靚， 問老闆原來係成個都自己寫自己畫， 真係好別出心裁！ 點擊圖片放大 +5 先來漬物三寶（$58） 酸酸嘅茄子潰、香甜嘅牛蒡、惹味蒜頭， 用來佐酒真係一流！ 日本銀鮭魚南蠻漬（$68） 呢款係自家製名物， 店家利用南蠻醋調味， 讓銀鮭魚吃起來清爽，酸酸甜甜，別具一番濃醇風味！值得一試！ 鰤魚油漬（$35） 這是一道充滿西班牙風味嘅油漬（Ajillo）， 用左鰤魚，即超巨型的大種油甘魚和橄欖造出來， 所以魚肉香滑，肉質鮮甜！ 旁邊還有餅乾可配搭一起吃。 點擊圖片放大 劍魚頭油漬（$49） 魚肉香濃，軟骨有嚼勁， 適合配清爽型清酒， 而小編也比較喜歡這道呢！ 日式手羽先（$45） 芝麻雞翼新鮮熱辣炸好， 肉汁鎖住晒係裏面，好味道！ 餃子（$58）雖然唔係自家製， 但即叫即整，所以肉香美味！ 燒日本迷你甜蕃薯（$48） 以份量來說有點貴， 但味道是無可挑剔的！ 臨走時， 仲叫店家幫我介紹一支清酒買返屋企飲， 講解獨到，價錢合理，不錯呀！ 地址： 一合 (上環) 上環差館上街22號地舖 營業時間： 星期一至四：12:00-21:00 星期五至六：12:00-22:00 星期日休息
