重慶火鍋在香港越開越多， 而在中國內地非常有名嘅「重慶劉一手重慶火鍋」（下稱「劉一手」）也打進了香港市場～ 以後想食麻辣火鍋唔洗返大陸啦！ 「劉一手」樓高兩層， 不論內外都散發着古色古香嘅味道～ 裝潢設計仿重慶老房子嘅格局， 懷舊復古味濃。 食「劉一手」梗係要試佢嘅麻辣火鍋湯底啦！ 不過唔食得辣嘅朋友， 都有5款湯底可選擇：龍蝦海鮮鍋、椰子滑雞鍋、番茄美顏鍋、滋補大骨鍋、山珍雜菌鍋， 可以同麻辣湯底配成鴛鴦鍋， 咁就可以配合晒食辣同唔食辣嘅朋友啦！ 點擊圖片放大 +2 麻辣湯底有大、中、小辣， 由於知道會越食越辣嘅關係， 我地揀左小辣就夠啦！ 麻辣湯底味濃，入口先麻後辣， 花椒味香，麻勁十足！ 食川式麻辣火鍋， 一定要試下油碟醬料！ 店內有個自助醬料區，共16款， 更有少見嘅老干媽辣醬、紅油腐乳等。 先注入自家品牌嘅油碟（即麻油）， 再混入葱、炸蒜粒、辣椒、豉油等醬料， 重口味得黎又夠晒惹味！ 醬料區有幾款配搭推介，可以試下呀！ 火鍋海鮮盛D（$488）超抵食， 海鮮料靚，性價比高！ 有活鮑魚和貴妃蚌各4隻、海蝦8隻和脆肉鯇8片， 全部都非常新鮮！ 鮑魚上枱時仲不停郁，涮熟後口感腍滑爽彈； 貴妃蚌有一個拳頭咁大，鮮甜爽脆，海水味十足！ 海蝦肉質彈牙美味， 脆肉鯇有兩個部位， 魚腩部份肥美，近魚背的鮮甜味美～正！ 點擊圖片放大 +3 極尚老闆天梯（$368） 海鯊魚翅2件、海膽丸3粒、川辣牛丸3粒、發財福袋3件、腸灌豬紅3件、吉祥錦鯉3條、仿干貝燒3粒、松葉蟹鉗3件， 海鯊魚翅口感十足， 包心海膽丸是小編最愛吃嘅丸， 可想而知有幾好味！ 川辣牛丸以辣牛丸來說非常出色， 肉香十足，又夠辣勁！ 發財福袋盛載着年糕，很有日式風味～ 重慶火鍋最適合食腸灌豬紅！ 比一般嘅豬紅口感更腍滑，值得一試！ 仿干貝燒可能係史上最好食derrrr～ 干貝味十足，口感更像真！ 吉祥錦鯉精緻，用蛋白和魚籽整成，滑嘟嘟口感～ 點擊圖片放大 +3 油麥菜（$28）皇帝菜（$28）金菇菜（$32） 所有菜蔬都很新鮮，份量合理。 每次食重慶火鍋，紅糖糍粑（$58）都是必叫的！ 糯米脆炸後外脆內軟糯，灑上黃豆粉， 再蘸上紅糖漿一起吃， 香甜，煙韌，美味！必試！ 好多人話「劉一手」好貴， 不過真係一分錢 一分貨， 小編就覺得價錢同質素成正比， 海鮮拼盤和老闆天梯性價比高， 好食又抵食！ 一定會食過返尋味！ 地址： 重慶劉一手火鍋店 (銅鑼灣) 銅鑼灣渣甸街66號Aura on Pennington地下及1樓 營業時間： 星期一至四、日：12:00-00:00 星期五、六：12:00-01:30
