之前同小妹、屋企人都黎過「玫瑰餐廳陳儀興」（下稱陳儀興）幾次， 每次都覺得火鍋和配料都相當有水準， 今次媽咪發牙痕話想食醉雞煲， 就嚟食過返尋味！ 點擊圖片放大 +5 滋補花雕雞（半隻）（$138） 一睇就知到湯底幾足料， 除了散發陣陣花雕酒香外， 還有滋補養生嘅紅棗、杞子、淮山等， 味道香甜暖胃！ 半隻雞浸泡在花雕酒裏面， 雞件厚肉，嫩滑入味，好味道！ 點擊圖片放大 食醉雞鍋可以以$38優惠價換購原價$108嘅安格斯牛肉（細）， 牛肉雪花均勻， 涮熟後入口爽嫩多汁，肉味豐腴！ 小編係松露迷， 所以一見到松露墨魚丸（$98）就二話不說點了！ 自家製嘅墨魚丸，口感爽彈，墨魚香十足， 加上松露嘅點綴，矜貴得來，又美味！ 可能係小編食過最好味嘅墨魚丸！ 必試之選！ 鮮肉青（$42） 肉質嫩滑，肥瘦適中，肉香美味！ 油麥菜（$18） 大大份，新鮮爽脆，抵食！ 值得一讚係配料可以雙拼， 咁就可以試多啲款式嘅火鍋料！ 自家韭菜餃，自家手包雲吞（雙拼$48） 每隻自家包製的餃子、雲吞皮薄餡靚， 從薄薄的外皮已經隱約透露了包在裏頭嫩綠色嘅韭菜和蝦膠， 韭菜餃啖啖菜肉， 雲吞鮮蝦爽彈，值得一試！ 湯底靚，梗係要點響鈴卷，炸魚皮（雙拼$37）來吸吸湯底嘅精華，軟中帶脆，正！ 食火鍋，仲可以優惠價$18大飲特飲凍檸樂、凍檸碧、凍檸芬， 大大杯夠晒解渴！ 地址： 玫瑰餐廳陳儀興 (新蒲崗) 新蒲崗爵祿街33A-37A號百勝工廠大廈地下 營業時間：星期一至六：07:00-00:00 星期日休息
