鑽石山最稱得上多野食嘅地方就一定係荷里活廣場啦！ 住鑽石山嘅小編不時都會同屋企人去食下野， 偷懶唔住飯！ 見「莆田」最近季節限定轉左做蟶子， 蟶子迷嘅我梗係要試下啦！ 周六、日都會比較多人等位，要留意喔！ 點擊圖片放大 先說季節限定嘅蟶子主題菜式， 以優惠價$198就可以任選兩款！幾抵食喎！ 點擊圖片放大 +8 據說這款蟶子生長於福建哆頭村黑泥灘， 黑泥營養豐富， 所以蟶子特別肥美， 所以蟶子迷不可錯過呀！ 冰爽酒糟蟶子（原價$119） 蟶子份量毫不吝嗇，一客便有十幾隻， 而且每隻都一致性地飽滿多汁， 建議先啜一啜蟶子內嘅酒糟， 蟶子肥美鮮甜，好好食！ 點擊圖片放大 鐵板鹽焗蟶子（原價$99） 鐵板上堆滿鹽巴， 蟶子有條理地鋪插在其中， 焗得周邊帶焦香， 同時裏面一樣保持肉嫩鮮甜， 又係另一番味覺嘅享受！ 媽咪最鐘意食魚， 所以就點左店招牌百秒黃花魚（$69） 顧名思義就知道係用左剛剛好100秒嘅時間炆呢條黃花魚， 黃花魚煮得剛好， 魚肉超滑，魚香十足！ 連平時唔鐘意食魚嘅小編都覺得好食！ 興化炒米粉（$78） 唔好以為佢只係一碟普通嘅炒米粉， 其實佢大有來頭，係經典福建菜， 仲被列入「非物質文化遺產」！ 米粉炒得均匀，唔會太dry或太濕，味濃鮮美， 配料非常豐富， 有多款海鮮如干貝、蜆肉、蝦等， 還有冬菇片、紫菜、花生、炸蒜得調味配料， 把所有配料拌起來一起吃， 味道和口感都相當有層次， 可能係小編食過最好食嘅炒米粉！ 絕對要食過返尋味！ 地址： 莆田 (鑽石山) 鑽石山龍蟠街3號荷里活廣場2樓214舖 營業時間： 星期一至日：11:30-16:00，17:30-22:30
