今年二月嘅時候， 小編自私去左北海道食左好多隻毛蟹， 小妹就獨自留港無份食， 係openrice發現原來香港都有間食蟹專門店—「空海」， 所以今次就帶小妹黎補返數。 餐廳門外掛着大大隻嘅立體蟹做招牌，好吸睛呀！ 裝潢設計風格都走日系風， 店面不大，放了一張8人長檯， 即係同時間就只可招待8位食客， 所以話想食一定要book定枱呀！ 主打蟹既餐廳, 當然唔少美食都跟蟹有關, 設多款蟹既套餐, 價錢介乎百幾至六百左右, 另外還有少量刺身、小食款式選擇。 點擊圖片放大 +4 最性價比高一定係松葉盛（$298）！ 因為一個set就有6款料理可品嚐。 前菜為櫻花蝦麻醬豆腐 豆腐嫩滑， 配上香甜嘅日式麻醬和香脆櫻花蝦， 口感豐富，味道有層次！ 蟹肉味噌湯超足料， 入面除左有啖啖蟹肉之外， 還有一隻蟹鉗！ 味噌湯味道清甜， 沒有覆蓋蟹本身嘅鮮味。 三文魚子、松葉蟹肉、蟹羔丼飯 預先拆好肉嘅松葉蟹肉滿滿的把飯覆蓋了， 蟹肉鮮甜味美，好正呀！仲要係啖啖肉！ 蟹羔鮮甜，三文魚子鹹香， 有少量櫻花蝦增添香口， 超好食！ 性價比超高呢！ 點擊圖片放大 火焰網燒松葉蟹鉗 小編之前係其他地方都有食過類同嘅菜式， 不過就覺得「空海」的最為出色！ 因為燒蟹鉗嘅火候一定要拿捏得準確， 才可以把蟹鉗燒香， 帶出其蟹味，又不失其水份！ 清酒煮蜆 蜆嘅份量都算多， 蜆肉鮮甜肥美， 清酒香氣濃郁香醇， 食完蜆，飲晒成個清酒湯汁，一流！ 小編自食過大阪百年老店「夫妻善哉」嘅紅豆湯之後， 就對紅豆湯有着深厚嘅情意結！ 所以甜品就揀左日式傳統甜品—白玉紅豆甜湯， 紅豆軟腍，又不會過甜， 加上QQ軟糯嘅糯米白玉，好滿足呀！ 毛蟹盛（$428） 毛蟹是北海道獨有的野生海產， 全身滿布細毛，外殼堅硬呈鮮艷橘子色。 清酒蒸煮酒的香氣滲入蟹身之中， 使蟹味更為突出，原汁原味！ 蟹羔蟹肉炒飯 每顆飯粒都呈橘黄色， 炒得均勻又乾身，沾滿蟹羔嘅香氣， 配上已拆骨嘅蟹肉、蛋白絲和櫻花蝦， 味道和口感都達至極致， 係小編吃過最好吃的蟹肉炒飯！ 套餐價錢已經包埋飲品， 可自選梳打或汽水，梳打原價要$28架！而家真係好抵喎！ 我地揀左白桃梳打和巨峰提子梳打， 幾清新解渴， 大滿足呀！ 地址： 空海 (旺角) 旺角廣華街13號廣輝大廈地下2號舖 營業時間： 星期一至日：12:00-15:00，18:30-22:30 *只接受預約
