去開荔枝角做yoga， 做完之後梗係要食野補充返體力～ 之前係黃大仙食過「金滿都越南餐廳」， 見長沙灣都有分店，所以就黎試下啦！ 越式拼盤（$78） 落單前店員已通知沒有庶蝦， 不過我地都堅持要點這個拼盤， 因為係最抵食，有齊各款越南小食！ 雞翼、豬扒、春卷、蝦餅， 雞翼外皮炸得香脆可口，內裏肉質鮮嫩多汁； 豬扒份量超多，香茅味十足； 春卷炸脆，蘸上酸辣醬更惹味呢！ 自家製蝦餅彈牙，味道不錯！ 點擊圖片放大 越式火車頭湯河粉（$53） 一次過試晒生熟牛肉、牛丸、牛栢葉，正！ 牛骨湯牛味濃而顏色清澈， 越南河粉帶米香，粉身薄且幼， 吸晒湯底嘅精華！ 生熟牛肉肥瘦均一，肉香美味， 牛丸彈牙，牛栢葉爽脆， 值得一試！ 越南咖哩牛腩煲（$95）加蒜蓉包（4件）（$20） 越南咖哩微辣鹹鮮， 送飯或蒜蓉包就一流！ 蒜蓉包烤得香脆可口，再蘸上咖哩，正！ 牛筋腩份量好多， 而且件件炆得軟腍入味，又不失其嚼勁， 仲有多件薯仔，吸晒咖哩嘅精髓， 好味道！ 點擊圖片放大 套餐包埋飲品， 自選特飲半價， 椰青（原價$32） 椰青大大個，椰青水鮮甜解渴！ 青檸梳打（原價$26） 梳打配青檸是最完美的配搭， 入口清爽，酸酸甜甜，味道清新！ 點擊圖片放大 +10 地址： 金滿都越南餐廳 (長沙灣) 長沙灣元州街303號元州商場地下1號舖 營業時間： 星期一至日：11:00-23:00
