串燒、爐端燒就食得多， 稻草燒又試過未？ 有日同朋友係尖沙咀行完街， 係亞士厘道發現有家來自日本大阪嘅居酒屋， 感覺唔錯，就即管試吓啦！ 「北海道爐端燒」位於樓上鋪， 裝潢設計十足十日本居酒屋， 牆上放滿不同酒樽作裝飾，甚為日本風！ 還有箱房雅座，可以與閨蜜一起悄悄話、談談心～ 餐廳有個開放式廚房， 可以見到師傅即席烹調， 傳來陣陣香氣撲鼻～ 食物選擇多樣化， 有前菜、沙律、刺身、意粉、炸物、浜燒、拉麵和丼等， 還有不得不提日本高知縣名物—稻草燒。 點擊圖片放大 +5 稻草烤安格斯牛扒（$168） 牛扒即叫即烤， 嚐吃來散發出稻草燒獨有嘅香薰味， 牛肉軟腍多汁，值得一試！ 店家還很細心地把牛扒肥膏嘅部份分開， 旁邊還有秘製醬汁和炸蒜片可添美味。 北海道甲羅燒（$78） 北海道蟹蓋內放了松葉蟹肉和蟹羔， 中間還放了生鵪鶉蛋， 把所有材料拌起來一起吃， 幼滑口感，蟹味濃郁，超好食！ 招牌酥炸雞塊（$62） 雞扒連皮炸至金黃色， 外層卜卜脆， 裏面肉質嫩滑多汁，真係非一般嘅美味！ 難怪係店名物啦！ 明太子雞蛋卷（$68） 即叫即整嘅明太子雞蛋卷， 雞蛋嫩滑，中間包着大量嘅明太子，微辣惹味！必試佳品！ 炸年糕（醬油味）（$48） 年糕即叫即炸，外脆內軟，無可挑剔！ 地址： 北海道爐端燒 (尖沙咀) 尖沙咀亞士厘道27號捷利商業大廈3樓 營業時間： 星期一至日：12:00-15:00，18:00-23:00
