之前小編黎過「吉列牛忌廉烏冬專門店 」食晚市套餐，覺得幾抵食， 所以今次就帶小妹黎試下佢嘅午餐～ 食物種類多左好多， 除左主打吉列牛定食和忌廉烏冬外， 仲有茶漬飯、釜飯、涮涮鍋和小食。 點擊圖片放大 +4 上次食過咖哩忌廉烏冬（$78）咁好食， 梗係要食過返尋味啦！ 白雪雪好似一嚿雲嘅忌廉包住烏冬， 面層係特製薯蓉忌廉，重奶香，厚又滑， 底層係咖喱烏冬， 食前先將忌廉和咖喱烏冬拌勻， 忌廉沾上每條烏冬， 香甜嘅日式咖喱，配上厚滑忌廉， 口感比一般忌廉creamy得多！ 裏面仲有幾件煮至七成熟嘅牛肩脊，肉香軟腍。 原條鰻魚蟹籽釜飯（$128） 原條鰻魚外皮烤得香脆可口， 塗上香甜鰻魚汁，好滋味呀！ 蟹籽份量超多，多到好似唔洗錢咁， 和其他配料如紫菜和蛋絲一起吃， 味道和口感更為豐富！ 小編和小妹就最愛蛋卷啦！ 逢蛋卷必叫嘅我地就點左Kobekyu秘製蛋卷（$68）， 唔好睇佢外表平平無奇，其實暗藏玄機！ 裏面有超多芝士，超拉絲derrr！ 外皮煎得香口，內裏保持嫩滑， 好邪悪嘅蛋卷呀！ Kobekyu滋味單骨雞翼（$65） 雞翼新鮮炸起，熱辣辣， 外皮炸脆，中間肉質鮮嫩多汁， 上面沾上大量芝士粉和自家調味粉， 微辣惹味！ 加上單骨雞翼食起嚟超方便， 啱晒小妹夠懶！ 跟餐仲可以升級轉特飲！ 蜂蜜菊花蜜 菊花蜜清甜， 蜂蜜更能帶出菊花香， 值得一試！ 地址： 吉列牛忌廉烏冬專門店 (銅鑼灣) 銅鑼灣耀華街3號百樂中心22樓 營業時間： 星期一至四、日：12:00-22:30 星期五、六：12:00-23:00
