和閨蜜食飯，談天說地， 最好梗係去文青cafe啦～ 叫杯特式飲品吹吹水得， 叫小食一大班人share食都得！ 港式cafe就見得多， 韓式cafe你又試過未？ 「Seoulmate Cafe」裝潢簡樸得黎又夠晒特色， 牆上印有不少可愛又富有藝術感嘅塗鴉， 天花垂吊着雲朵形☁️嘅吊燈， 好似似身於童話世界裏面一樣， 而餐廳仲有露天雅座， 可眺望銅鑼灣區嘅高樓大廈， 都幾chill幾有feel～ 點擊圖片放大 +4 小食大拼盤（$198） 有法式蛋批、炸蝦球、炸雞、青梅串串烤猪腩肉、炸甜薯條， 嘩，超豐富，一次過滿足晒所有願望～ 法式蛋批外表似餃子， 不過咬開就好有驚喜， 外皮炸脆，裏面雞蛋就滑嘟嘟！ 炸蝦球啖啖肉，鮮味彈牙， 韓式炸雞咬落香口多汁， 面頭酸酸甜甜嘅醬汁，夠晒惹味！ 豬腩肉半肥瘦，和輕輕燒香嘅京蔥， 是最完美嘅組合！ 炸甜薯條炸得香脆，薯肉甜甜的，超好食！ 點擊圖片放大 +3 一嚿seoulmate雲的墨汁海鮮西班牙腸燴飯（$138） 一嚿雲造型係店招牌，賣相超可愛～ 輕盈鬆軟嘅一嚿雲係用蛋白打成的， 加上紫菜做嘅眼睛和嘴巴， 可愛到實在無從入手啊！ 外面看起來開心， 原來切開了，裏面卻是裝開心嘅「烏」雲， 嗯，每一個人都總有逞強嘅時候， 只是別人是不知道的。 切開後，蛋汁像心太軟般湧出來， 蛋汁和燴飯混合一起吃，味道更香滑～ 墨汁意大利飯煙煙韌韌， 還有不少海鮮如魷魚、蝦、柱子和西班牙腸， 真係睇得又食得！ 靚韓妹年糕多士和雪糕大戰烤棉花糖和奧利奧 （$68） 賣相非常吸引呢！ 輕烤過嘅棉花糖入口即溶， 加上oreo粉和餅乾，口感更多層次， 多士烤得香脆， 裏面嘅年糕煙煙韌韌， 好味道！ 什莓蘇打（$48） 用雜莓和蘇打打出來嘅沙冰， 香甜可口，夠晒refreshing！ 點擊圖片放大 +8 地址： Seoulmate Cafe (銅鑼灣) 銅鑼灣駱克道491-499號京都廣場4樓 營業時間： 星期一至四、日及公眾假期：12:30-22:30 星期五、六：12:30-23:30
