來自日本大阪專售各款和牛部位嘅食材批發店「肉工房千里」經營嘅「千里屋食堂」， 係香港銅鑼灣開分店啦！ 獨賣各式和牛牛肉料理， 咁啱係小妹屋企附近， 梗係要黎試下啦。 「千里屋食堂」主售各式牛肉丼、鐵板和火鍋， 另主打鹿兒島A5黑毛和牛， 而且仲有每日限定首20名可半價享用和牛鐵板料理。 如果覺得日本和牛太貴的話， 店內另有四款較平價的牛肉丼， 全採用M10-M12級嘅澳洲黑毛和牛， 每碗都以兩款不同切法的牛肉疊成，價錢由$99－159不等。 慳家嘅小編梗係要食最高級， 但又和和牛對比下較便宜嘅熟成黑牛champion steak DON（$159） 300克嘅牛翼板肉，堆疊成牛肉小山丘， 未食已經覺得好吸睛！ 牛肉肉質鮮美彈牙， 加上店家獨特嘅秘製醬汁， 味道幾惹味幾夾！ 黑安格斯牛肉壽喜燒套餐（肩胛部）（$189） 每個套餐都會包兩款前菜、蔬菜、肉、漬物、白飯、味噌湯和生雞蛋， 蛋沙律和酸酸甜甜嘅醃菜幾開胃， 另有炆得軟腍入味嘅牛肉， 送飯就一流啦！ 壽喜燒湯底一上枱已舖滿各款時蔬，材料豐富， 黑安格斯牛肩胛雪花均勻， 散發濃郁香醇嘅牛香，入口即溶， 沾著打過的生雞蛋來吃，口感更香滑， 最後再飲返碗味噌湯，中和下壽喜燒嘅甜膩感，係完美嘅總結啊！ 總括來說， 「千里屋食堂」食物質素不錯，價錢合理， 而且竟然營業至凌晨3時， 半夜同小妹落食宵夜都得喎！ 地址： 千里屋食堂 (銅鑼灣) 銅鑼灣駱克道447-449號中威商業大廈地下2號舖 營業時間： 星期一至日：11:00-03:00
