去朋友屋企打機前先醫醫肚, 荃灣地膽帶左我去「越一越南牛肉粉專門店」,下稱「越一」, 佢話又抵又好食,就隨他吧! 晚餐時段差不多滿座, 睇黎好受街坊歡迎喎! 除左單點外, 最抵食一定係二人套餐,$168起, 點擊圖片放大 +3 我地揀咗$198, 包一客牛油雞翼,一款自選小食,上湯生菜或蘿蔔,湯河兩碗, 仲包兩杯飲品,真係超值,性價比超高! 地膽仲話蒜蓉多士好正,必點! 法式蒜蓉多士($38) 和平時一般用法包整嘅蒜蓉包不同, 「越一」用厚多士切條, 四邊都塗滿牛油和蒜蓉,烘至金黃,超好食derrr! 小編一個人食左四條! 牛油雞翼 即叫即炸, 脆卜卜的外皮配上炸蒜片,好惹味, 雞翼肉質鮮美多汁,好重牛油香,好味道! 香茅牛肉米紙卷 薄薄的米紙包住以香茅醃製過的牛肉,軟腍入味, 配以清爽蔬菜、香草和米粉,口感豐富! 上湯生菜 估唔到套餐份量有咁多~ 雞絲扎肉湯金邊粉 香濃清澈嘅湯底, 金邊粉吸晒湯底嘅精華,正! 扎肉有點黑椒粒係裏面,食落更香更有口感。 香茅豬扒湯金邊粉 豬扒好大塊,香茅味十足, 肉質鬆軟又不失嚼勁! 飲品$18以下可免費選配, 所以就揀左凍青檸梳打同凍鹹檸七喜,抵飲呀! 地址: 越一越南牛肉粉專門店 (荃灣) 荃灣青山公路275號富裕樓地下G4-6號舖 營業時間: 星期一至五:11:30-23:30 星期六、日:11:00-23:30