食盡各大火鍋店, 銅鑼灣「酒鍋」算得上是小編最愛之一, 因為店舖座落於V Point嘅27樓高層, 可飽攬維港嘅無敵大海景, 一邊打邊爐,真係超有feel~ 店內有着各式各樣crossover左 Pop Art和中國風嘅裝飾, 古色古香嘅屏風、古風嘅木門帶有銅製門獸手柄, 和Pop Art塗鴉嘅牆身、古典風嘅鎢絲燈, 形成強烈嘅對比。 食火鍋前先混個醬~ 醬料有12款之多! 早陣子日本和香港都掀起了芫荽風, 「酒鍋」也順個勢, 為茜迷創作了一個以芫荽主打的火鍋—巨無霸芫荽鍋($288), 剛好我有個茜友, 佢梗係唔會錯過呢個機會啦! 點擊圖片放大 +2 別以為芫荽湯底只有傳統的皮蛋芫荽這種, 原來仲可以搞搞新意思~ 「酒鍋」挑選了四款不同湯底配襯芫荽, 包括喇沙海鮮、四川麻辣、清湯牛腩和蕃茄薯仔, 上面舖滿有如一座山一樣份量的芫荽和幾片大冬瓜片, 茜友完全係心心眼~ 我地將芫茜均勻放入四格湯底, 讓不同湯底都有芫茜的精華! 芫茜和冬瓜都係下火的食材, 有左佢地,總覺食火鍋都健康d~ 每格湯底都材料十足, 喇沙海鮮真係勁多海鮮料, 有大蝦、蜆、青口等,微辣惹味, 是小編四格中最愛的鍋底; 四川麻辣辣而不嗆喉,仲有豆卜等吸湯食材, 辣得過癮! 要清楚嚐到芫茜味, 蕃茄薯仔和清湯牛腩就最為突出啦! 因為喇沙和麻辣本身屬濃味,芫茜味會被蓋過, 蕃茄薯仔有大大件豬骨和車厘茄,有點家的感覺~ 清湯牛腩有清甜蘿蔔和半筋半肉的牛腩, 加埋清香嘅芫茜,簡直絕配!正! 七星報喜($88) 七彩繽紛的手打丸, 用七種不同口味打造成的墨魚丸, 口味有紫薯、栗子、黑松露、毛豆、草莓、粟米和紅蘿蔔, 入口有彈性,鮮味突出, 睇得又食得,值得一試! 二人海鮮拼盤($368) 有海中蝦、花甲、蟶子和扇貝, 全部都超新鮮! 小編打邊爐食海鮮,「酒鍋」的新鮮度絕對稱得上是數一數二! 以冰鎮保持着海鮮嘅新鮮, 海中蝦超爽彈, 花甲洗得乾淨,沒有半點沙, 蟶子鮮甜有嚼勁, 而扇貝係整盆中最出色的, 超大隻,扇貝肉咬開仲保留一絲絲的口感, 証明超新鮮!鮮味十足! 好想encore無限次~ 從來無諗過麻婆豆腐可以做餃子餡! 貪得意叫左麻婆豆腐餃($88) 味道相當特別, 真係覺得似係食左麻婆豆腐, 微辣惹味, 連餃子皮都係呈紅色架!似到足! 每次食火鍋,總要食返d蔬菜, 感覺先無咁guilty。 什菇拼盤($68) 真係說得出嘅菇都有, 秀珍菇、金針菇、鮮冬菇、雞脾菇、靈芝菇, 款款都新鮮~ 色彩繽紛嘅蔬菜拼盤($68) 連紫色西蘭花都有, 好少打邊爐會有羽衣甘藍, 係幾有趣嘅嘗試! 一個價錢可以試到超過10款嘅蔬菜,值啦! 咪走雞($88) 三隻超可愛的小雞, 造型很有心思! 黃色嘅造型以南瓜作底味, 香甜彈牙,值得一試! 掛架頂級安格斯牛頸脊($188) 每次見到雪花均勻嘅牛頸脊整齊地排列着, 都份外覺得誘人美味~ 牛肉入口軟腍鬆化,爽嫩多汁,肉味豐腴! 經店員推薦下, 我地試左個新菜—麻辣涼拌鴨血($58), 小編最鍾意食鴨血, 咬落去juicy的鴨血和豆腐卜, 香辣惹味,讓人齒頰留香~ 飲品方面, 「酒鍋」都別出心裁地有多款signature drink可選擇! 清酒菠蘿沙冰($168) 自家製的香甜菠蘿汁, 配上招牌清酒製成嘅沙冰, 入口透心涼,消暑解渴! 地址: 酒鍋 (銅鑼灣) 銅鑼灣登龍街18號V Point 27樓 營業時間: 星期一至四:12:00-15:00,18:00-01:00 星期五至日:12:00-15:00,18:00-02:00