小編其實被店名吸引—「Bilibala」才來derr~ 因為係附近返工, 每次lunch見到,都覺得好chill, 咁啱小妹早收工,又想食串燒,就黎試下啦! 「Yakitori」也即是「焼き鳥」, 但其實餐廳不止是燒雞, 還有其他串燒和小食供應呢! 而且款式多樣化~ 點擊圖片放大 +3 咁岩呢到做緊3週年優惠, 除平日做緊嘅happy hour所以酒精飲品75折優惠外, 凡生日月份更可享有全單額外85折優惠! 咁我呢個三月壽星真係好抵食喎! 點擊圖片放大 +2 既然係happy hour, 梗係要飲返杯啦! 食日式串燒,飲返杯sake就最岩啦! 楯野川純米大吟醸 入口時有清爽的果香味,甜甜地,幾易入口。 值得一讚的是, 餐廳用嘅酒壺和酒杯都是店主精心從日本挑選回來的, 每一隻都是獨一無二der~(同小妹嘅指甲好襯呀) 食串燒前, 店家先附上三種sauce dipping, 有味噌、梅子和柚子口味, 幾有特色~ 舞茸黑豚卷($58) 金菇肥牛卷就食得多, 配搭舞茸倒是第一次見! 舞茸比金菇更爽口多汁, 捲上燒得鹹香惹味嘅黑豚肉, 味道新穎美味。 粟米(兩件)($48)用左牛油燒, 面頭燒得微焦,裏頭又唔會太dry,不錯! 雞翼(兩隻)($36) 外皮燒得香脆,裡面的雞肉保持着嫩滑多汁, 鹽燒味道剛好,不會過鹹。 燒白鱔($88) 魚皮燒得香脆, 魚肉厚實,又有口感! (鳥)唐揚炸雞($88) 炸雞外皮炸得香脆可口, 值得一讚是炸粉薄薄的, 而且用上嫩滑嘅雞脾肉, 一咬開便爆汁,勁juicy, 蘸上旁邊嘅沙拉醬,簡單又美味! 茄子($25) 茄子肉軟綿入味, 加上日本木魚碎,鮮味十足! 北海道帶子($88)足足有3L咁大, 外頭燒至香口,裏頭7成熟, 保留了帶子嘅海水鹹鮮~幾抵食喎! 豚角煮(鹿兒島)($68) 五花腩肉次層分明, 豬皮炆煮得入味,咬落又有膠質, 加上蔥絲一起吃,更添香口! 豬手($88) 細細隻的嫩豬手,煮得軟腍入味, 用筷子就可以輕易起到骨, 咬落充滿膠質,豐富嘅骨膠原呀,絕對值得一試! 雞骨腸($32)燒得香口, 鹹香惹味,真是一個不錯的佐酒菜! 店家還很細心地用錫紙包住骨頭嘅部份,方便食用。 燒芝士年糕(一件)($28) 芝士年糕外皮燒得香口,裏面煙煙韌韌, 由於是燒的關係, 比往常在放題吃的更別有一番風味, 喜歡吃芝士年糕的話不可錯過! 豆腐 ($32) 豆腐烤得外皮很脆,裏面則是軟嫩derrr~ 外皮塗上了特調醬汁, 香甜可口,好滋味~ 玉子蛋($58) 燒得細緻嫩滑, 裏面保留了七成熟,蛋味突出,入口即溶! 鵝肝($118) 多士烤得香口, 鵝肝豐膄甘香,而且一點兒也不覺羶, 值得一試! 黑毛和牛 ($138) 和牛一上枱已經香氣四溢, 和牛肉味濃郁多汁, 面頭灑上蔥花,更添香氣~ 羊扒($88)火侯控制得剛好, 燒至5成熟,鮮嫩多汁, 而且一點羶味也沒有! 別看冷稻庭烏冬($88)很普通, 其實烏冬口感和湯頭味道是很難控制的! 湯頭清爽解膩,烏冬順口軟彈, 作為最後的菜式就最適合不過啦! 地址: Bilibala Yakitori Bar (銅鑼灣) 銅鑼灣希雲街23號禮雲大樓地下 營業時間: 星期一至日:16:00-01:30