係銅鑼灣Tower 535做完gym， 就同gym友一齊落樓下「辦館」補充返體力。 之前每一次經過「辦館」， 都覺得佢裝潢幾chill！ 走型格摩登路線， 樓底高，空間幾寬敞， 天花吊掛着一排紅色燈籠，帶點東方色彩， 室外還有空中花園， 望着人來人往嘅謝斐道，別有一番風味呢！ 不過最近則以出前一丁做主題， 見到穿着一身和服造型的清仔，就估到了吧！ 點擊圖片放大 +2 餐廳除了提供不少亞洲地道美食外， 還糅合並提供不少多國Fusion菜。 臘腸松露意大利飯（$128） 將鹹香嘅中式臘腸， 伴以黑松露Risotto，味道非常新穎！ 芝士味濃郁， 加上菇菌增添不少口感， 意大利飯又有咬口，值得一試！ 炸蒜香雞翼配東南亞辣汁（3隻）（$58） 雞翼開了邊， 啱晒我呢個懶人唔鐘意啃骨！ 雞翼炸得唔會太熱氣， 蒜味都幾入味， 再蘸上微辣嘅東南亞辣汁，幾惹味！ 我地另外仲點左兩杯特式飲品～ MIND MOISTEN （$88） 有龍眼、紅棗、杞子、菊花等養生配料， Refreshing得黎，又幾滋潤！ ALO HON（$88） 用蘋果汁做base， 加上熱帶水果如菠蘿、蜜糖、蘆薈， 入口香甜滋潤！ 餐廳更做緊Happy Hour優惠， $7第二杯、$6第三杯、$5第四杯喎， 嘩會唔會係太抵啦！ 連bottle beer、draft、wine都有優惠！ 如果我仲讀緊書， 一定黎打躉溫書一整天！ 地址： 辦館 (銅鑼灣) 銅鑼灣謝斐道535號 Tower 535 3樓302號舖 營業時間： 星期一至四：12:00-00:00 星期五：12:00-2:30 星期六：11:00-2:30 星期日：11:00-00:00
