在銅鑼灣上班， 「小甜谷」不時都會成為我和同事的飯堂， 我們不時在這裡吃午餐，$50-$70就有交易， 是區內上班族的好選擇。 不過見今日又剛做完一個project， 就吃頓較豐盛的晚餐吧！ 餐廳一入門口便是一個半開放式廚房， 餐桌以圓檯為主， 帶輕鬆簡約的木紋地板和桌椅。 「小甜谷」餐牌又翻新了！ 多了幾款意粉、漢堡、全日早餐、焗飯和pizza等， 少不了的當然是各類甜品，有中式、日式和西式。 點擊圖片放大 +3 見餐廳還提供多款抵食combo， 價錢由$198-$298，兩個人食岩岩好！ 點擊圖片放大 就豪一下食個lobster combo（$298）， 包一客龍蝦（二選一）、一客Main Dish（七選一）和一客沙律（二選一）。 先上凱薩沙律Caesar Salad ， 和傳統的凱薩沙律一樣， 沙律菜配上香口炸煙肉和香脆炸麵包，都算不錯！ 之後主角便開始登場了～ 龍蝦菜色有兩款，兩款都配原隻鮮龍蝦尾、黑松露薯條， 可選擇的是配和牛漢堡扒或韓式咖哩蜜糖／胡椒蜜糖豬仔骨。 龍蝦尾上面都塗滿芝士， 未食已經覺得好芝味～ 龍蝦燒得剛好，肉質嫩滑，鮮味彈牙，好味道！ 和牛漢堡扒七成熟， 外層煎得香口，裡面肉質軟嫩多汁， 啖啖肉得黎，牛味都算濃郁， 配上惹味燒汁，不錯吃！ 薯條炸得夠香脆，蘸上黑松露醬特別惹味！ Hokka北海道軟殻蟹忌廉蟹肉意大利粉（+$50） 意粉al dente， 每條意粉都沾滿濃厚creamy的忌廉汁， 和粒粒脆卜卜的蟹籽，份量不吝嗇，增添不少口感層次。 值得一讚的是原炸軟殻蟹大大隻， 炸得香脆可口，又好厚肉～ 食完正餐，一定要試試「小甜谷」主推介的甜品啦！ 點擊圖片放大 焙茶心太軟（$62） 朱古力心太軟就食得多，焙茶心太軟就較為少見。 一切開心太軟， 暖笠笠的焙茶醬便澎湃地湧出來， 散發出濃郁的茶香味，不會太甜太膩， 旁邊配上可口的綠茶脆脆、香甜紅豆和冰凍的芝麻雪葩， 口感更為豐富～ 宇治抹茶白玉新地（$45） 新地軟滑，抹茶味濃郁， 白玉口感不夠軟糯， 但勝在抹茶啫喱做得不錯，滑嘟嘟，茶味香濃～ 整體來說， 「小甜谷」的食物和服務都相當不錯， 環境舒適，價錢合理，性價比高， Share on facebook仲有95折優惠呢！ 地址： 小甜谷 Dessert Kaffee (銅鑼灣) 銅鑼灣謝斐道482號信諾環球保險中心地下4-6號舖 營業時間： 星期日至三：11:30-01:30 星期四：11:30-01:00 星期五、六：11:30-02:00
