雪糕就食得多， 但用刀叉或筷子食雪糕你又試過未？ 最近旺角新開了一家甜品店－「Smokey Ice」，主售造型雪糕， 有「牛扒」，又有「吉列豬扒」，未食已經好吸睛。 店裏裝潢以 Pop Art為主題， 岩晒造型雪糕新潮的主題～ 「Smokey Ice」除售特式造型雪糕外， 還有窩夫，厚多士、奶凍、雪花冰和西米露等， 傳統和新式都有！ 見這個鐵板牛扒造型雪糕咁得意，當然要試下啦～ 七成熟雪糕（$88） 鐵板牛扒造型真係做得好似！ 一上枱便煙霧瀰漫，就像吃扒餐時倒上醬汁的「咋」一聲，噴出白煙的樣子～ 扮演牛扒的朱古力雪糕用懷舊鐵板盛載着， 一刀切下， 裏面的粉紅色士多啤梨雪糕便緩緩地流出來， 像極真的medium rare的牛扒！ 牛扒中間還藏着不少朱古力碎， 多了一份層次感！ 再配上扮薯菜的香蕉、菠蘿、士多啤梨和香脆炸多士，真係睇得又食得！ 好似系腸粉（$58） 照一貫街邊腸粉的作風， 店家用牛油紙和鐵兜做到似模似樣的傳統腸粉look，還配上牙簽給食客食用，像真度極高呢！ 以椰汁製成的腸粉， 口感Q彈，又散發着濃郁的椰香～ 扮演咖哩魚蛋的炸糯米糍， 外皮炸得香脆，裏面的口感煙韌軟糯， 再加上扮豉油的朱古力醬和扮甜醬的士多啤梨醬， 旁邊還配上菠蘿、士多啤梨和不可或缺的雲呢拿雪糕， 神一般的賣相和配搭～ 味道也是相當不錯呢！ 天氣熱口渴的關係， 我還點了一杯特製飲品－紫霞 Purple Evening Glow （$38）， 酸酸甜甜的紫背天葵， 配上一咬開便湧出香甜果汁的爆爆珠， 味道refreshing！ 整體來說， 「Smokey Ice」的甜品有着無窮的新鮮感， 造型和配搭新穎， 食物質素也是相當有水準！ 以fushion甜品來說，價錢都算合理，值得一試！ 最近新張營業還有facebook和instagram優惠呢！ 地址： Smokey Ice (旺角) 旺角白布街2-24藝興大廈地下8號舖 營業時間： 星期一至日：15:00-01:00
