做完一隻job又難得Happy Friday，TGIF! 當然要和同事慶祝下啦！ 座落於尖沙咀山林道的「Mini Club 」， 是我們整班同事經常的聚腳點。 因為飲品和食物的價格都比尖沙咀諾士佛臺普遍的酒吧合理， 選擇又多樣化，環境又不會太過噪雜， 消遣、飲野傾計都得。 「Mini Club 」格局開揚舒適， 天氣清涼的時候還會打開窗戶，到時候更有feel，可以邊喝酒邊吹風～ 裡面的裝潢都花了不少心機， 牆上掛滿美國風的佈置， 加上輕快的音樂比較閒恬，少了Disco的喧鬧，環境氣氛一流！ 一坐低，店員便為我們奉上nuts， 並詳盡地介紹精選推介和優惠套餐，服務都幾周到！ 其中最令小編感興趣的， 當然是這個有得食又有得飲，一舉兩得的「Wine not both?」套餐啦！ 凡惠顧任何支裝酒（$398起）， 即送四款拼盤中的自選其一， 咁抵食點可以錯過！？ 海鮮拼盤（單點原價$298） 陣容鼎盛～ 有波士頓龍蝦（半隻）、法國睡蟹（半隻）、南美鮑魚（2隻）、法國翡翠螺（2隻）、 蒜味青口（4隻）、玫瑰蝦（2隻）， 除了玫瑰蝦外，其他都是熟的。 玫瑰蝦足足有一隻手指咁長， 口感如牡丹蝦一樣，鮮甜滑溜，正！ 波士頓龍蝦斤兩十足，肉質彈牙味美。 最令我感動的莫過於睡蟹， 係人都知睡蟹可說是全世界最多膏的蟹， 齋睇已經讓人唾涎欲滴。 蟹膏豐腴滿頂，味道甘香鮮甜！ 蟹肉都算多，略帶海水的鹹味，不錯啊！ 蒜味青口入味，清潔得乾淨， 鮑魚和翡翠螺肥美厚肉，肉質爽口彈牙， 樣樣海鮮都水準十足，性價比很高呢！ 除此之外，我們還點了精選推介的幸福二重奏， 每隻精選生蠔$15，海膽生蠔都只是$28， 一次過滿足晒兩個願望， 海膽迷和蠔迷大有口福了！ 生蠔雖然不大，但肥美鮮甜， 最真材實料的莫過於海膽生蠔了！ 海膽的份量足以覆蓋整隻生蠔， 入口即溶，鮮甜味美～ 海膽綿密軟滑，加上卜卜脆的蟹籽， 味覺和口感都達至最高享受，性價比很高。 食海鮮，當然要配杯白酒啦！ 我們點了White Wine Carta Vieja Sauvignon Blanc ($398)， 帶有桃子、甜瓜和蘋果的香味， 口感柔順，容易入口， full body，after taste回甘， 在搭配海鮮時不會掩蓋海鮮的鮮味，不錯！ 最後，我們還點了香烤蜜糖雞翼（$78）， 雞翼有8隻之多， 隻隻都腍身入味，香甜可口，讓人食唔停口！ 旁邊的青瓜新鮮爽脆，蕃茄仔香甜多汁， 予食客味蕾煥然一新的感覺。 最後，我們每人整頓飯只盛為$300， 真係好抵食～～ 又海鮮、又生蠔、又酒、又小食， 食物質素好，性價比相當高！ 而且「Mini Club 」選材新鮮大方， 環境不會太嘈吵，和朋友暢談絕對無難度！唔需要叫破喉嚨。 更值得留意的是， Happy Hour時段 (17:30 - 20:30) 內光顧更可額外享有全單八折優惠！平上折，真的讓人很難抗拒呢！ 地址： Mini Club (尖沙咀) 尖沙咀山林道29-31號地下A舖 營業時間： 星期一至日：17:30-03:30
