在銅鑼灣返工，食乜野係一個好難的決定的問題！ 因為去邊到都人多，要排隊，又貴， 食飯又只有1個鐘，食乜好呀？！ 「台南阿豆仔」是一家很近我公司的台灣菜， 銅鑼灣的台灣菜不多， 平時近近地食個午市套餐，「阿豆仔」都不失為一個好選擇！ 今次難得小妹接放工，又嚷着要吃台灣菜，就試下「阿豆仔」的晚市啦。 「台南阿豆仔」顧名思義主打台南料理， 中英對照的點餐紙上有着不少台灣地道菜餚和夜市美食， 不僅是食物款式台風，就連餐廳裝潢也不馬虎！ 懷舊鐵閘，啤酒箱座椅和掛在牆上的美食燈箱等，相當有台灣夜市風，很有特色呢～ 小妹最愛就是吃魯肉飯，梗係要叫一碗啦！ 古法魯肉飯（小）（$35） 肥瘦相間的豬肉手切成丁，豐腴鬆化，比一般肉碎更有口感， 台式滷蛋滷得入味， 再配上油葱酥香的鹹香肉汁和香軟白飯拌着吃， 美味就是這麼簡單！ 在香港不容易吃到好吃的魯肉飯， 而小編就覺得「阿豆仔」的魯肉飯都算幾正宗，值得一試！ 紅燒牛肉麵（$68） 所有台灣食物當中，小編最愛吃紅燒牛肉麵， 所以牛肉麵也是我平時來這裡吃午餐之選。 先呷一口湯，湯底香濃，惟牛味不太重， 但最令佩服的就是炆得軟腍的牛肉牛筋， 牛肉牛筋份量十足， 牛肉略帶軟筋，牛味十足， 牛筋腍滑味香，滑嘟嘟，富膠質感， 加上富彈性的麵條，確實不錯吃！ 如果嫌味道不夠， 還可試試店家特製的辣醬，微辣惹味，愛辣者不可錯過！ 食台灣菜，點少得最具台灣特色的蚵仔煎？！ 蚵仔煎（$55） 蚵仔煎最重要的當然是蚵仔， 蚵仔份量都算多，而且粒粒肥美多汁，正！ 加上配料小白菜鮮甜可口，令蚵仔煎口感更有層次， 值得一讚的是粉漿厚薄適中，軟腍Q彈， 再淋上特調酸甜醬，味道更香甜滋味！ 滷水拼盤（$48） 拼盤可自行挑選三款材料， 我們都愛吃內臟，所以就選了牛肚、大腸和肝連， 想不到一碟份量咁多！ 厚切大腸滷水味濃， 牛肚同樣滷得入味軟腍， 肝連肉吃起來口感像半筋半肉，很有趣呢！ 份量足之餘，味道也相當不錯，性價比高～ 作為「夜市」，當然匯聚了不少台式飲品， 連在香港不常見的檸檬愛玉都有，當然要試下同在台灣飲的一唔一樣啦！ 翡翠檸檬愛玉（$24） 愛玉散發出清新的茶味， 加上焦糖香和檸檬酸，很是解膩解渴呢～ 葡萄柚多多（$24） 加了葡萄柚汁的台灣益力多， 味道有點像乳酪，酸酸甜甜。 整體來說， 「台南阿豆仔」食物相當有水準，又充滿台灣風味， 以銅鑼灣來說，價格也算是宜人，午餐、下午茶優惠都有， 喜歡吃台灣菜的朋友，不妨來這個「夜市」試試！ 地址：台南阿豆仔 (銅鑼灣) 銅鑼灣蘭芳道19號地下 營業時間：星期一至日：12:00-22:30
