謝斐道多小食就係人都知, 而其中一間就是來自台北的歇腳亭Sharetea。 知道歇腳亭於每年冬季都會推出台灣手作HOT甜品系列,梗係要黎試下啦。 台式甜品有4款配料係唔少得; 九份芋圓、九份地瓜圓、手工湯圓、台灣蜜地瓜。 既然第一次飲,就黎杯乜野都有的台灣燒仙草啦($32)。 (值得留意的是這3杯特式飲品只有一個size啊~) 一打開杯蓋,我便嚇一跳! 心諗點解杯野黑漆漆,咁似涼茶既?! 原來燒仙草是用上仙草乾用古法8小時熬製而成的,黑漆漆是正常的。 喝起來濃調,仙草味也相當足, 但個人來說,就不太喜歡那口感,像小時候偷飲的未凝固好的啫喱水,有點古怪。 搭配在一起的配料;芋圓、地瓜圓、蜜地瓜、珍珠和紅豆,口感層次分明。 其中,小編最喜歡的就是蜜地瓜,香甜軟綿, 惟一杯只吃到一、兩粒,很不過癮呢! 芋圓和地瓜圓份量比較合理,但口感卻不夠q彈軟糯。 整體來說, 小編覺得台灣燒仙草有進步的空間! 一杯索價$32不算便宜, 台灣燒仙草味道不似預期, 主角芋圓、地瓜圓等份量也略嫌太少。 自問自己喜歡吃芋圓和地瓜圓, 才走過銅鑼灣咁多間分店搵,最後發現目前只有謝斐道分店有售,惟這一次卻失望而回。 下次都係飲返例牌比較好。 地址:歇腳亭 (銅鑼灣) 銅鑼灣謝斐道518號渣菲大廈地下A舖