長大了出來工作，一個人食飯就變成了家常便飯。 邊似得好似以前讀書咁柴蛙蛙，成群結隊，浩浩蕩蕩地食個lunch都要「10個位呀唔該」。 有朋友成日話我係「毒L」，因為成日自己一個人去食野。 計我話如果「豆腐火腩飯」係男人的浪漫， 我就覺得食「拉麵」係一個人的浪漫。 雖然不比厚福街的熱鬧，但阿士厘道可謂尖沙咀另一個樓上店和多國菜的匯聚點。 有日收工後沒有住家飯食， 一個人食拉麵就最好不過啦！ 拉麵店在日本是不少上班族收工後的落腳點， 因為唯獨只有拉麵店才不會營造出單身人一個人食飯突兀的感覺。 見到名為「別天神」的拉麵店，給我一份莫名的親切感，就像日本拉麵店的常見名稱，就入去試試吧。 餐廳裝潢如日本傳統拉麵店， 除了中間的方桌，少不了的當然是和拉麵師傅零距離的吧㘆啦，可以看到師傅如何為你烹調美食，感覺很親近。 小編試過在日本拉麵店吃拉麵時，師傅會觀察食客反應，一句「おいしい」就為他們增添不少成就感。 「別天神」提供的拉麵款式不多，但也代表着餐廳夠專。 可惜不知是不是換季貨源不足的關係，是日店內選擇只有一款，就是鎮店之寶——豚骨拉麵。 另可搭配多一款小食為套餐（$105）。 由於當日工作忙到沒有機會食午餐， 就豪氣點叫個套餐，叫多一款小食吧～ 小龍蝦蟹籽沙律（$35） 看似薯仔沙律，但原來黃色的全部都是蟹籽。 裡面還藏着粒粒龍蝦肉，爽口彈牙，蟹籽又卜卜脆，口感幾有趣！ 另一種食法可配上旁邊的紫菜， 可以用紫菜包住沙律，香脆紫菜配上清新香甜的沙律造成鮮明的對比，十分滋味！ 絕對值得食過返尋味！ 食拉麵最重要的就是湯底！ 先喝一口湯，豚骨湯底呈奶白色，面層不泛油，入口順滑香濃，帶少許黏口的感覺。 這個奶油般的湯底完全呈現出博多拉麵的特色。 如果覺得味道唔夠，還可以試試店家的調味推薦， 有拉麵汁，蒜蓉，辣芽菜，七味粉等， 點擊圖片放大 當中辣芽菜是我最喜歡的，惹味十足！ 幼拉麵軟硬適中， 叉燒偏瘦點，入口軟腍，岩晒怕肥膏的女士。 糖心蛋煮至半生熟，入味之餘蛋黃又流心，正！ 點擊圖片放大 值得一提的雖然是配料的木耳做得也不馬虎，咬落爽口，和拉麵一齊食，更有層次感。 餃子 跟餐的餃子有4隻， 點擊圖片放大 外皮煎得香口，餃子皮夠薄，菜肉比例剛好，不偏不倚。 咬下去也很juicy，都算值得一試！ 總括來說， 拉麵店香港有很多， 但真正有日本風味的就比較少見。 小編自問對拉麵的甚有要求， 自從在日本東京食完所向無敵的無敵家之後， 在香港就一直尋找唔到好食的拉麵（我估多數去完日本食拉麵的人或多或少都總會有呢種感覺）， 但「別天神」就令我改觀了， 不止拉麵出色，小龍蝦蟹籽沙律更令我一試難忘， 希望下次黎食有機會試到其他湯底的拉麵啦。 地址：博多拉麵別天神 (尖沙咀) 尖沙咀阿士厘道24號天星大廈地下A1地舖 營業時間: 星期一至日: 12:00-15:30，18:00-00:30
