每月一次的紀念日又到啦！ 男朋友又要識做呢～ 每次到藍屋扮偽文青，都總會經過「Aroma」。 不過食就係第一次啦！ 「Aroma」即是香氣的意思， 雖然餐廳不像其名散發出香氣， 但餐廳內外就相當有氣氛！ 小編就最愛有outside bar枱的餐廳，因為坐係外面啤啤佢，摸下酒杯底，望下月亮，真係特別有feel～ 高透明度的玻璃屋打破了內外的空間隔膜， 讓路人皆知餐廳受唔受歡迎， 小編就是憑這一點帶小妹來慶紀念日呢！ 餐廳有兩層，地下是開放式廚房和水吧， 靠牆有幾張bar枱。 我們被安排到二樓的雅座， 燈光比樓下光猛，又有懷舊別緻的裝飾， 天花吊着懷舊的電燈膽，紅磚牆上投下柔和的燈光， 點擊圖片放大 +2 牆上掛着各式各樣的黑膠唱片和海報，很有feel啊！（偽文青mode on!) 從外面睇完全唔覺，但裡面卻給人耳目一新的感覺～ 餐廳提供的菜式是中西合壁的fusion菜。 小妹就最愛吃牛扒，當然要點Grilled US Angus Rib Eye啦！ 店員亦細心為我們推介了幾款招牌菜， Aroma Pork Spring Roll和Deep-fried Chicken Wings，就試一試吧！ 最值得一試的就是深得食客青睞的Deep Fried Chicken Wing with preserved egg-yolk（$68） 中菜有黃金蝦，「Aroma」就有黃金雞翼！ 創意十足，味道也相當出色，價格又很合理！ 同黃金蝦一樣，主要都是用咸蛋黃為調味。 金黃色的賣相很吸睛呢！ 雞翼肥美 juicy，外皮又炸得香脆， 咸蛋黃融化在脆香雞翼上，鹹香惹味 ！ 店家也很細心準備了開邊雞翼， 食起來很方便，注重儀態的女士就唔怕係心儀的男士面前哽骨啦！ Aroma Pork Spring Roll with Chilli Bean Mayo（$68） 春卷炸得香脆，入口鬆化的米紙包着微辣的豬肉， 配上特調豆瓣沙律醬，味道特別又惹味！ Grilled US Angus Rib Eye （$258） 賣相相當別緻， 大廚把不同配菜如秋葵、洋蔥、蠔菇、蒜頭和馬蹄等，砌湊在一起，創造出充滿藝術感的料理。 很有高級餐廳吃高級料理的感覺呢！ 秋葵蠔菇鮮甜，馬蹄洋葱爽脆香甜， 最特別的莫過於腐乳味的薯蓉，口感幼滑，鹹香惹味。 值得一讚的是牛扒煮得剛剛好，符合了我們medium rare的要求， 肉質軟嫩juicy，牛味十足， 惟牛扒肥膏比較多。 有美食怎少得美酒呀？ 我們每人還點了杯Cocktail情迷一下。 酒類除了Cocktails外， 紅酒、白酒，Mocktails，啤酒和一般飲品都有提供。 Grapefruit Mojito（$85） 小妹不喜歡喝有糖漿飲料， 所以我就為她點了這杯用上grapefruit juice 做base的mojito， 加上新鮮的青檸和薄荷， 微酸的味道，又散發出清香的薄荷味，份外清新！ 見Bloody Tom （$85）幾得意，就叫一杯試下啦！ Bloody Mary聽得多，Bloody Tom 係咩黎呢？ 原來店家將Bloody Mary 加入東方元素， 用冬陰公做base，味道香辣又bloody，真係好特別，喜歡新口味的不妨挑戰下。 總括而言， 餐廳在裝潢和食物上創意十足， 店員服務不錯，價格又ok， 尤其是小食真的大件夾抵食！ 仲有Happy Hour添，下次一定要黎Happy下～ 地址：Aroma (灣仔) 灣仔石水渠街64號地下1號舖 營業時間: 星期一至六: 12:00-00:00，星期日休息
