講起雞蛋仔,「媽咪雞蛋仔」你又試過未? 最近開到港九新界都有分店的「媽咪雞蛋仔」, 更榮獲2017年米芝蓮街頭小食推介, 簡直係人氣急升! 有日經過灣仔,牙癢癢想食個小食, 見到「媽咪」的分店, 雖然有5個人在我前面等緊order, 但身為吃貨的我怎可以錯過米芝蓮推介呢? 媽咪雞蛋仔有超過十多種口味的雞蛋仔, 除了原味和較為普遍的粒粒朱古力, 還有抹茶紅豆、朱古力咖啡、肉鬆、白芝麻、起司等口味,可謂花樣百出。 秋冬新品還推出了紫薯和栗子口味呢! 不過我對秋冬系列都無特別喜好, 未食正餐的我想食下咸味, 就買了一底肉鬆芝麻雞蛋仔($22) 等了15分鐘左右,終於有得食啦! 上次食過尖沙咀分店預先做好的雞蛋仔,微暖和有點透氣的口感令我失望而回。 但今次終於食到即叫即整的了! 一拿上手熱辣辣, 外皮烤得非常香脆,裡面又保持鬆軟口感, 咸香的肉鬆配上香口的芝麻, 微微地滲透出蛋香,味道都算有層次, 唯可惜的是不是每粒雞蛋仔都滿滿地充滿蛋漿,有些漏空了!整體來說, 以$22一底雞蛋仔來說, 做到外脆內軟,又有蛋香,都算不錯,值得一試。 不過水準有點參差,未必每次都能稱心滿意。 看來店家要多花心思再可繼續蟬聯來年米芝蓮街頭小食推介呢! 地址:媽咪雞蛋仔 (灣仔) 灣仔灣仔道181A至181G地下D2舖