住在鑽石山的我，又係區內發現新火鍋好去處，食神又要出動啦～！！ 和小妹正苦惱着要去邊到食野的時候， 就發現附近有一間店面裝修好街坊feel，但名字又有點親切感的餐廳 ——「玫瑰餐廳陳儀興」（下稱陳儀興）。 點解有親切感？ 因為小編一向都要是相熟的人，才會叫中文全名，所以餐廳取其名為「陳儀興」不禁給了我一份莫名的親切感， 見門面也有不少吸引的火鍋介紹，就入去試試啦。 餐廳擺設都是以普通茶餐廳裝修為主， 座位大部份都是靠牆的卡位，有電視高高掛在牆上供食客收看， 雖然沒有特別的裝修，但我覺得食個飯其實環境乾淨整潔即可。 餐牌除了有各式小炒選擇之外， 點擊圖片放大 +2 還有秋涼時分最適合的打邊爐和食雞煲，選擇十分之多， 除了有傳統重慶辣雞煲，又有花雕雞煲、豬肚雞煲、娘惹鴨煲等， 點擊圖片放大 +2 我們千挑百選，就選了味道頗為新穎的椰子雞煲（半隻）（$128）。 椰子雞煲食得多，但咁重椰子味的雞煲就第一次試。 平時食開的椰子雞煲，感覺都會像喝老火湯一樣，椰子味最多只是微微地滲透出來， 但「陳儀興」的椰子雞煲卻是以新鮮椰汁製成的椰漿烹調而成， 椰漿比較濃稠，明符其實的椰子味，香甜可口，又不會太膩。 雞件雖然肉不多，但雞件相當掛汁，肉質鮮嫩入味，好食到真係要吮埋d汁， 可能是我吃過最好吃的椰子雞煲。 食完雞件之後，我們便開始加湯食火鍋配料。 雖然店員好主動地為我們送上調味醬汁， 但我就覺得本來湯底味道已經相當夠味，再加上配料新鮮，唔需要沾點醬料，吃到食材的原汁原味就最好！ 海鮮拼盤（$238） 原個和盒海鮮拼盤上陣，擺設精美，未食已經讓人流晒口水。 海鮮是二人前的份量，食材十分豐富， 有7款之多，有蟶子皇、海中蝦、鮑魚仔、日本帆立貝、本地蠔、花蟹和脆鯇魚片等， 而且款款都是新鮮靚料， 最令我驚喜的就是蟶子皇，鮮甜肥美， 脆鯇魚片鮮味爽脆；海中蝦蝦膏香甜，肉質彈牙； 本地蠔又大大隻； 沒想到拼盤咁落足本，連鮮鮑魚都有，雖然細隻，但鮮味十足。 一個拼盤就有多款新鮮海鮮配料，性格比很高。 蟹籽墨魚滑（$88） 蟹籽份量不算少，如果多d就更好了。 不過值得推薦的是自家手打墨魚滑墨魚味十足，彈牙又有嚼勁，真的是不錯吃！ 新鮮魚標（$58） 魚標新鮮之餘，洗得又乾淨，沒有半點腥味。 滑溜溜的口感，外軟內爽，真的很有趣！ 自家韮菜餃（$42） 一份有6隻，每隻自家包製的餃子都皮薄餡料足， 啖啖菜肉，鹹淡又適中，值得一試。 最值得推薦的必定是招牌手切本地肥牛（細）（$138）， 份量十分足， 剛上枱時一開始仲以為自己劃錯左「大」或者上錯枱， 但同店員確定之後發現原來呢個份量真係只係「細」，心諗「大」咪好大， 而且一睇就見到牛肉脂肪分佈平均，絕對是上等貨色！ 涮涮涮，涮到變色就食得～ 嘩第一啖咬落去便食到牛肉油香，軟腍多汁，牛肉味十足， 咁有水準的牛肉，價格仲要咁平，性價比非常高，下次淨點牛肉都夠晒滿足！ 整體來說， 「陳儀興」的椰子雞煲夠晒特色滋味， 火鍋配料又新鮮抵食，真係讓人食過返尋味！ 下次要帶埋屋企人再黎試其他口味的雞煲或特色湯底火鍋至得。 地址： 玫瑰餐廳陳儀興 (新蒲崗) 新蒲崗爵祿街33A-37A號百勝工廠大廈地下 營業時間：星期一至六：07:00-00:00 星期日休息
