係太子學日文的我,有時都會係太子搵下野食 得知學校附近有間開業十多年又幾出名的專賣餃子店,所以有日學完日文之後就去試下啦 我和同學晚上7點幾黎到,門外已大排長龍,前面起碼有十幾個人等緊,今日仲要係平日,係咪真係咁美味先 等了30分鐘,終於有得入去啦 店裡主要賣3款餃子,有韮菜肉餃、雲耳椰菜肉餃和白菜肉餃 本來我們想3款都試下,又想試煎的,又想試湯的, 但白菜肉餃已賣光了 我和同學平時都比較喜歡吃韮菜餃,所以就叫了一碗湯韮菜肉餃($37)和煎雙拼雲耳椰菜肉餃和韮菜肉餃($39) 湯韮菜肉餃($37) 餃子最重要是皮薄餡靚,而美味餃子店真的名符其實的貨真價實! 店家一直主張手工餃子,因為口感比機器造的比較好 每粒餃子都大大隻,比坊間很多賣餃子的都要大,連湯匙都大過了 軟薄的餃子皮滿載着鹹香的韮菜餡料 餡料鹹香適中,韮菜新鮮爽脆 但喜歡重口味的同學就覺得味道比較淡 而我就覺得味道剛好,自然而不造作 餃子手工固然重要,但湯底亦都唔惹少 野葛菜煲生魚豬骨湯,看得泛出來的油脂不多,味道清新脫俗 唔得閒煲湯的話,黎飲碗老火湯都不錯呢 煎雙拼雲耳椰菜肉餃和韮菜肉餃($39) 每隻餃子餡料都十分平均,不多不少,可見其店家的手造功夫 煎餃和湯餃口感截然不同, 外皮煎得香脆可口,睇得出餡料十足 個人覺得煎或湯韮菜肉餃都好 但口感上,韮菜肉餃餡料較為爽脆有嚼勁,雲耳椰菜餡則比較軟腍 ⼁ 另外,店家最出名的就是辣菜脯,配煎餃子就最惹味!少少辣,只是油也多,如果可以少一點油會比較好呢! 配煎餅子就最惹味!少少辣,只是油也多,如果可以少一點油會比較好呢! 整體來說,平民價$37-$39有十隻手工精美的餃子, 味道不俗,認真「美味」,都算物超所值! 而且店裡還有生餃子可買回家呢,一打餃子$32-33現在坊間有很多賣生雲吞餃子的一打都要$40以上,所以美味餃子店真的非常便宜!難怪不少食客都食完又打包走,下次我都要試下~ 地址:美味餃子店 (太子) 太子大南街74號地舖 營業時間:星期一至六 11:00-00:00 星期日休息