係元朗換完身份證,就係附近行下睇下有咩食,發現西菁街有間新開既台灣野。餐廳裝修得好光猛,顏色配搭好清新,座位闊落 餐廳有免費提供冬瓜茶,坐低後職員會倒一杯比你 三角雞軟骨 $38比一般平時食開既雞軟骨大粒,而且軟骨更易咬開地瓜條 $28粗身既地瓜條,咬落實心,味道甜甜 鹽酥雞 $33食台灣野必點既鹽酥雞,炸粉薄身 黑金剛豚肉刈包 $33職員介紹黑金剛豚肉係餐廳每日新鮮製既,肉質鬆軟多汁,刈包軟腍 肥牛、龍躉那魯灣金湯麵線 $88配料有酸菜、茶樹菇、蝦、豆腐,一上台就聞到好鮮味,湯底酸酸辣辣,肥牛、龍躉亦好足料 麻辣鴨血無骨鴨掌豬大腸(金門麵線)$68無骨鴨掌好適合我呢啲懶人食用😂,豬大腸味好濃烈,但一啲都唔「蘇」,唔食豬大腸既朋友都接受到 仙草迷你3Q果奶茶 (跟餐+$10)台式奶茶加上仙草同椰果,唔太甜有咬口👍🏻玫瑰荔枝梳打 (跟餐+$10)原來入面係有爆爆珠,玫瑰好濃,加上荔枝,一口清新既味道 九份手工芋圓 $18一開頭睇到個價錢以為自己眼花,$18一碗芋圓係邊到搵😍,叫左個外賣拎番屋企食,入面有紅豆、芋圓、仙草,性價比極高👍🏻👍🏻👍🏻