🇯🇵鮨宏🇯🇵📍:北角渣華道8號威邦商業中心地下13號舖⏰:12:00pm-2:00pm,7:00pm-10:00pm近排友人推介左呢間長期full booking既抵食omakase比我 襯我近排放假無野做 就book左位試試佢😍午市既時間系12點 全部都要預約 師傅會等齊咁多位客人就一次過好似演講既形式 同各位介紹食物😂午市$880 食物種類同款式都拍得住晚市既質素🙌🏻🔸前菜🔸一坐低師父就會提供四款自家醃製漬物 有紫薑、大蒜、牛蒡和蘿蔔 仲有酥脆既北海道公魚 師傅話通常11-1月係最新鮮既魚仔干 食落脆口開胃 酸酸甜甜 加埋紫蘇花食落齒頰留香😍🔸茶碗蒸、先付、汁煮🔸▫️秋刀魚 池魚仔 秋天當造既美食 食落肥美 12月頭就無架啦😂真係要把握機會 食落入口即溶 充滿魚油香😍池魚就比較淡 厚身鮮味🙌🏻▫️銀雪魚白止味道濃郁鮮甜 用咗酸汁調味 撈埋一齊食💓大愛▫️櫻煮八爪魚用茶葉同蔬菜一齊慢煮 入味又軟熟 ▫️赤崎生蠔食落清甜 比較長身 爽口肥美▫️磯煮鮑魚配肝醬撈飯師傅話先食鮑魚 彈牙煙靭 仲有種香甜味 肝醬同飯混合 吸收晒啲精華 濃郁入味😍真係要大讚！▫️茶碗蒸裏面有櫻花蝦、鮮冬菇 熱辣辣 鮮香細滑🔸壽司🔸▫️梳子魚:火炙過 焦香 味道比較淡 ▫️深海大池魚:鮮甜厚身 甘香▫️太刀魚:鬆脆軟嫩 本日至愛💓食完即刻大贊師父 包住紫菜一齊食 滑溜又鮮味 無骨啖啖肉 唔會好油膩 ▫️北海道活帶子:切開一條條 容易溶起口入面 唔算黏口 鮮甜厚身▫️喜之次:肥美有咬口 火炙過 充滿油香味 ▫️牡丹蝦:較黏口 鮮甜味更濃烈▫️黑陸魚:未食過不過味道較濃郁 魚油香 ▫️豉油漬赤身:魚味重 較酸 肉質滑溜 每位客人都大讚🙌🏻▫️大拖羅:肥而不膩 好滑 入口即溶 ▫️北海道海膽:鮮甜厚實 一啖放落口 好滿足😍🔸甜品、一品料理🔸▫️布丁玉子燒(凍食)裏面加咗魚肉 一大塊切開 香甜幼滑🙌🏻▫️赤味噌魚湯 暖笠笠 一路飲一路睇住師傅切甜品😍▫️北海道牛乳芝士蛋糕 紅豆抹茶布甸甜而不膩既芝士蛋糕 係師父特別炮製 味道滑溜奶香 食完唔會覺得好膩 布甸厚實 加埋香甜紅豆 同士多啤梨嘅酸酸甜甜 真係好滿足🙌🏻#香港美食 #平民美食 #北角 #北角美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #foodhk #日本菜 #香港好去處#香港打卡 #鮨宏 #omakase #廚師發辦 #廚師發板 #壽司 #刺身 點擊圖片放大 +8
