🍣十和田總本店🍣📍:尖沙咀金馬倫道42號華懋金馬倫中心地下⏰:11:30am-4:30pm,5:30pm-11:00pm⭕️:現金、信用卡、Alipay(設加一)呢間餐廳係由日本師傅主理 店內座位都比較多 坐得都舒適 價錢方面都合理 質素亦都唔錯 餐廳用既係赤醋飯 食落口有少少酸味 更加突顯刺身食材既鮮味 飯粒軟硬適中 有嚼口！枱面有抹茶粉、水壺、豉油同筷子盒🥢 同埋餐廳主張用QR code落單 幾方便！-三色丼- 💰188(松葉蟹膏蟹肉丼、海膽丼、香蔥吞拿魚蓉丼)🦀松葉蟹膏蟹肉丼入口有好濃郁嘅蟹膏味 蟹膏同蟹肉嘅份量好多 蟹肉食落去好鮮甜 蟹膏好甘香 撈埋個丼飯到一齊食 口感好豐富 好滿足😍🟠海膽丼裏面嘅海膽都算新鮮 唔苦幾Creamy 不過海膽嘅份量剩係得一塊🥺如果多反少少個CP值會高啲！🐟吞拿魚蓉軟綿綿 無筋夠肥美 幾黏口 魚蓉入口即化😍食落魚蓉夠新鮮 帶濃郁魚油香 表面仲有京蔥絲同芝麻粒👍🏻口感更加豐富！-吉列炸蝦卷🦐- 💰78🌜都抵食！炸蝦熱辣辣卜卜脆 有六大舊炸蝦卷 炸蝦卷裏面有青瓜同蟹籽 食落去就唔會好溜 再搭配埋沙律醬👍🏻唔會難食既組合！-三文魚三味壽司🍣- 💰38🌜三文魚都好厚 色澤光潤 有三件都抵食 我自己梗係最鍾意火炙三文魚壽司 好肥美有魚油香👍🏻-吉列炸蠔🦪- 💰38🌜CP值高！有四大粒吉列炸蠔 熱辣辣即叫即炸！香脆可口 外脆內軟 一咬落去啲油必晒出嚟🥺不過有個缺點我希望佢可以改善😂 希望佢唔好配燒汁 變沙律醬🤣因為沙律醬配吉列炸蠔先最夾！#香港美食 #平民美食 #尖沙咀 #尖沙咀美食 #香港 #美食 #高質 #hkfood #hongkong #hkfoodie #openrice #hkfoodblogger #hkfoodies #likeforlike #hk #hkig #foodshare #hkrestaurant #foodies #852food #hkfoodblog #食評 #美食推介 #十和田總本店 #壽司點擊圖片放大 +7
