Goooood morning! 黎一份瀑布蛋治幫你叉充電 掃走Blue Monday 望住佢 你肯定自動投降 心甘情願咁被俘虜 ⁽⁽ ◟(∗ ˊωˋ ∗)◞ ⁾⁾ 太過份喇ヽ(`Д´)ノ 你叫我以後點面對街邊普通嘅蛋治喎ヽ(`Д´)ノ 呢間小店雖然只係放得落一張枱 但真心推介俾各位 請有心理準備 切勿laam mon 即叫即整 作為港女 當然相機食先 日式風味嘅鰻魚蛋治 35蚊一份 金黃色嘅賣相絕對係視覺享受，流哂口水！！ 滑蛋滑捋捋好綿，好香牛油味奶味，所以超嫩！蛋上有微咸嘅海苔粉點綴下，好吸引。 滑蛋蓋住面包夾住鰻魚，層次豐富。焦香嘅鰻魚厚度適中 唔係慳成本嘅薄切，魚肉暖軟細滑～ 最底嘅面包索滿醬汁，食左幾啖已進入忘我狀態，巧巧味！♥️ ♥️ ♥️ ♥️ ♥️ 炒滑蛋填滿左成個畫面 好幸福 Come on babyyyyyyyyy 燒牛肉蛋治 30蚊一份 賣相掂！！！！！！ 滿滿嘅木魚碎鋪面，煎香嘅燒汁牛肉肉汁好juicy，配搭甜甜地嘅滑蛋一流！ 呢啲先係非一般嘅蛋治 點擊圖片放大 +2 食一份點止癮 食兩份又想再叫… 樽仔咖啡鴛鴦奶茶係老細自己沖架 有走甜或少甜 唔少元朗街坊會一次過掃幾支返屋企嘆 兼賣腸粉燒賣魚蛋 仲有鰻魚飯賣架！！ 將一份簡單小確幸食落肚 店鋪: 龍鳳店 地址: 元朗水車館街66號 SPD4290 舌尖上的元朗 – 邪惡瀑布蛋治 “元朗龍鳳店" https://foodiesatyuenlong.wordpress.com/2017/03/26/spd4290-%e8%88%8c%e5%b0%96%e4%b8%8a%e7%9a%84%e5%85%83%e6%9c%97-%e9%82%aa%e6%83%a1%e7%80%91%e5%b8%83%e8%9b%8b%e6%b2%bb-%e5%85%83%e6%9c%97%e9%be%8d%e9%b3%b3%e5%ba%97/ 更多元朗美食: https://foodiesatyuenlong.wordpress.com/
