夜已深……此刻的我……除左心靈變得空虛,唔知點解連個胃都一齊變得空虛 空虛寂寞覺得凍 姐此刻需要的不是一個擁抱,而是美食的慰藉!!!! 因此,我夜深「鰻」遊元朗,來到鳳攸北街,搵到一個安撫我心靈,同時又慰藉到「餓」的地方 佢就係 First Step Coffee ~ 店內播著輕柔卻帶點憂鬱的爵士音樂,加上紅磚同落地玻璃,擺設簡簡單單卻帶點英倫風,可見店主的小心機。 首先來了餐湯,蕃茄濃湯配蒜蓉包,個湯就麻麻喇 ,反而蒜蓉包就有驚喜! 夠脆蒜蓉味十足,浸落湯度都不錯! 到主角出場喇,日式魷魚筒釀鰻魚炒飯配韓式泡菜(套餐價$118包餐湯、主菜、熱茶),炒飯就有點失望 皆因個飯濕左d 呀!同埋份量就有待改善喇! 男仔一定唔夠食 …..反而魷魚就鮮甜美味。而小編認為成道菜最好食就係個魷魚度,可以話個魷魚為度菜加返分。 見網上的食評大多都係午餐或者下午茶時段,價錢比較合理,也有可能未能試到店內的招牌菜式同咖啡,小編認為經過可以試下,但如果要特登黎就要諗下喇! 店舖: First Step Coffee 元朗鳳攸北街5號順豐大廈地下31號舖(鳳琴街體育館附近)