雞蛋仔係香港好出名嘅地道小食,但係食黎食去都係得原味,好似開始有少少悶。正當我諗緊有咩新野好試,果然「皇天不負有心人」,比我搵到一間好創新嘅雞蛋仔店。喱間店就係位於元朗又新街嘅森SUMORE 喱間「森」嘅雞蛋仔一共有四款味道揀:原味,朱古力,咖啡 ,綠茶。 如果你唔想食一底雞蛋仔咁單調嘅話,都可以自由選擇去加配料落你個雞蛋仔到咖!每款配料都只係加$3-$5不等 最近好興綠茶風,為左令人唔好覺得老黃真係成個老古董咁,我都就跟下風,要企係潮流嘅尖端。今次我揀嘅係綠茶味雞蛋仔加OREO。因為要確保新鮮,所以森嘅雞蛋仔係即叫即整咖,大約要等8-10分鐘。如果你好趕時間,就唔建議你買喇! 等呀等!我底雞蛋他終於食得喇。我第一個反應係:嘩!好綠呀!!!! 陣陣嘅綠茶味已經一直刺激住我嘅嗅覺喇!我忍唔住喇!! 嘩,一哎落去就已經食到好濃嘅綠茶味,繼而又食到一粒粒嘅OREO,令到個雞蛋仔個口感變得好有層次。食完之後,個種回甘嘅茶味一直纏繞住我嘅味蕾。 整體黎講,森SUMORE喱個綠茶Oreo雞蛋仔令我非常滿意。我覺得大家經過都不妨一試。 森SUMORE除左自選雞蛋仔都有雪糕雞蛋仔同格仔餅賣,店面都有兩三張枱比大家慢慢享用。 歡迎大家試完後,留言話比我地知邊個配搭最正啦 店鋪: 森 Sumore 地址: 元朗又新街38號恆富大廈地下11C號舖