要挑戰你嘅辣感味蕾，就係呢間— 元朗合興車仔面。 餓底已瞬間被ko (☍﹏⁰) 又辣又好食 難怪係唔少元朗吃貨嘅麻甩食堂 ✧*｡٩(ˊᗜˋ*)و✧* 如果各位巴絲老友記想黎一嚐辣味，搭西鐵嘅就係朗屏站落車比較方便 ~ （・∀・） 合興車仔面係間性格小店，開十點至四點，星期二休息。時間雖然開得短，但係唔好睇小，佢嘅食客不斷 。座位大概得廿幾個，都幾逼架。 店門貼住可以揀乜車仔面嘅餸，更重要嘅係如果今日賣哂某款餸嘅，老闆就會用marker劃左，提醒大家 (´皿`)σ 上次兩點半左右到，想食嘅咖哩魷魚、牛孖根、金錢肚、豬耳已經 — 賣哂 —— ლ(ﾟдﾟლ)！ 嗚呀 要快快手揀好餸～好怕我每次必嗌嘅豬大腸會賣哂 最後揀左: 餸: 豬大腸、豬皮、木耳餃 粗面配微辣腩汁湯底 承惠三十七大洋 幾分鐘後，食面喇～ (๑´ڡ`๑) 老細可能見我嗌乜無乜 醒左舊蘿蔔俾我 ヽ( ^∀^)ﾉ 色香味區全 係咪好正咁呢 ✧◝(⁰▿⁰)◜✧ ✧◝(⁰▿⁰)◜✧ 佢嘅辣醬唔係得辣椒咁簡單，仲有好香惹味咖哩汁，辣得好開胃，絕對唔可以放過！！ 微辣都已經幾辣下，唔食得辣嘅要小心 先飲一啖腩汁湯底唔撈醬住，有住肉汁嘅甜，無乜味精味。 慣例先食豬大腸！你懂我的哈哈哈 豬腸份量好多，口感乾淨滑溜，配住微辣嘅湯零舍夾 豬皮吸晒啲辣汁味，好食！ so sorrrrrrrry 影得有矇 木耳餃餃子皮薄，餡料新鮮，都幾爽口。 有樣值得讚嘅係合興啲餸幾新鮮，咖哩魷魚、牛腩、牛根、金錢肚、豬耳、豬紅呀賣得快日日清，所以唔洗擔心唔新鮮。 微辣對我黎講無乜難度 下次試小辣 二訪合興 挑戰小辣 ᕦ(ò_óˇ)ᕤ ᕦ(ò_óˇ)ᕤ 餸: 豬大腸、咖哩魷魚、牛孖根 幼面配小辣腩汁湯底 辣感味蕾up up up 個辣醬同湯攪勻，細細啖試下先。岩岩入口唔係好辣，再飲多兩啖，出事喇! 啲辣味後勁好犀利！！ 我又衰多手倒埋咖喱魷魚啲辣汁落去，我喉嚨着哂火 辣到飆哂眼水鼻水 ，但係又好爽 頂唔順都係叫左罐可樂黎撲火 一次食哂真係頂唔順 啲辣味一直㷫住個咀好過癮 咖哩魷魚厚肉得黎好爽口，都有七八舊架 牛孖根好入味，腍身唔會咬唔斷，好滋味。“Su“一聲就食左條 d(`･∀･)b d(`･∀･)b 因為太辣，休息左幾次等個口無咁㷫再食，食左大半個鐘 (つд⊂) 唔好笑我廢啦 食到大辣真心respect 勇氣可加 見到有個大叔嗌大辣走湯撈面 餓底我覺得自己食小辣飆哂眼水好廢 三度encore你就知有幾好食啦 嗜辣嘅朋友歡迎打大佬，挑戰合興車仔面大辣乾撈 (σ`∀´)σ ( σ`∀´)σ 餓底食の提醒 : 合興車仔面開十點至四點，要食好西就要趁早，手快有手慢無！過三點好多餸都冇lu 同埋辣汁可以分開上，想食又怕太辣就可以自己加ヽ( ^∀^)ﾉヽ( ^∀^)ﾉ 店鋪: 合興車仔麵 地址: 元朗元朗安寧路59號裕豐大廈地下A1舖
