本小姐no offense但呢間都係劣食 不可一不可再 (> x <) 睇睇下文就知有幾唔掂...點擊圖片放大 雞軟骨$ 8一串 $15 兩串 明明本小姐叫嘅係雞軟骨 啲軟骨得個兩粒...-_- 又細條 似係食緊啲薄嘅雞肉片包住條竹籖 同埋啲肉好硬好難咬,用黎練牙力就真無得頂:) 無醬點嘅話真係無謂食... 我食左啖就緊係醒目地交俾個fd試 等佢中下伏 一齊分甘同味~HAHA 豬頸肉 $15 唔講唔知原來佢係豬頸肉 平時食開嘅豬頸肉咪燒到啡啡地色又有少少油 令令地好吸引嘅 串皇呢到嘅豬頸肉就醃到橙紅色 好食色素人士必選! 一睇就知道佢落左幾多調味料啦 食落甜甜地 但係好乾 啲肉嚡霎霎咁 烤嘅時間唔夠 所以唔夠火侯 應該有嘅BBQ炭烤味 佢又無 -_- (咁我洗乜幫襯你食串燒??) 牛柳 $ 15 相比起雞軟骨同豬頸肉 牛柳賣相已算唔錯 似乎終於係right choice嘞 因為無乜牛味 所以食落係唔會有驚喜嘅 肉質淋身 唔洗大力"齒"開都食到 牛柳算係普普通通放得入口又唔係太難食啦... 魷魚鬚 $20 一嗌完諗住個賣相ok 應該唔伏嘞掛 魷魚鬚本身有啲咸味 好煙韌但唔係爽 慢慢食都食到嘅 不過就略嫌貴 廿蚊買幾條鬚.... 平心而論.... 沙嗲醬夠香辣惹味 食到有花生碎粒 小辣都幾到喉 !!!!之但係啲肉質唔靚又嚡 幾好味嘅醬汁都無辦法掩飾到劣質嘅肉!!!! 小店衛生方面都唔多好 啲串燒成日就咁堆哂係到無嘢蓋住 整體黎講 - 劣 肉 - 唔夠火喉好乾好硬 沙嗲醬ok但都補救唔到 本小姐表示又一次中伏 感到'藍瘦''香菇'(難受想哭) 人地就努力儲錢買二千呎屋溝女 我就日日洗起碼六七十蚊係道食 仲要係劣食!!嬲死!! 曾經係facebook見過有人share我地個Blog話我地係打手...(睇到都幾心灰意一身冷...) 不過睇開本小姐既post既就知我絕對唔係打手 正所謂,犠牲小我丶完成大我.... 密切留意本小姐如何又中伏..... 本小姐:Albee Ng More posts could be found here: https://foodiesatyuenlong.wordpress.com/ 店鋪:串皇 地址:元朗阜財街2號宏豐大廈地下11D舖 [googlemaps https://www.google.com/maps/embed?pb=!1m18!1m12!1m3!1d3687.6028871716903!2d114.02880561495734!3d22.44396778524913!2m3!1f0!2f0!3f0!3m2!1i1024!2i768!4f13.1!3m3!1m2!1s0x3403f0a0ca5fa2a3%3A0x205377c6cbdce8d7!2z5Liy55qH!5e0!3m2!1szh-TW!2shk!4v1488808544531&amp;w=600&amp;h=450]